პედრის მიღწევა ლა ლიგაში

ესპანეთის ჩემპიონატის მე-16 ტურში "ოსასუნასთან" გამართული მატჩი (2-0) პედრისთვის დასამახსოვრებელი აღმოჩნდა.

სტატისტიკის მწარმოებელი კომპანია Opta-ს ცნობით, პედრი 23 წლისა და 18 დღის ასაკში გახდა ყველაზე ახალგაზრდა ფეხბურთელი, რომელსაც "ბარსელონას" რიგებში ლა ლიგაში 150 თამაში დაუგროვდა. "ბარსას" ნახევარდაცვის ლიდერმა ამ შედეგით ლეგენდარულ ლიონელ მესის აჯობა, რომელმაც 150-ე შეხვედრა 2010 წლის ოქტომბერში "სარაგოსასთან" 23 წლისა და 121 დღის ასაკში ჩაატარა.