ოფიციალურად: ფინალისიმას თარიღი და ადგილი ცნობილია

ევროპისა და სამხრეთ ამერიკის მოქმედი ჩემპიონების შეხვედრის შესახებ ყველა საჭირო ინფორმაცია ოფიციალურად დადასტურდა.

2026 წლის "ფინალისიმა", რომელშიც ერთმანეთს არგენტინა და ესპანეთი დაუპირისპირდებიან, 27 მარტს, კატარის ქალაქ ლუსაილში გაიმართება.

ევროპულ-სამხრეთ ამერიკული დაპირისპირებას ერთი დამატებითი ინტრიგა ახლავს თან - მსოფლიოს ყველა დროის საუკეთესო ფეხბურთელი ლიონელ მესი "ბარსელონაში" მის მემკვიდრედ მონათლულ ლამინ იამალის წინააღმდეგ ითამაშებს.

ფინალისიმა აქამდე სულ 3-ჯერ გამართულა. 1985 წელს ჩემპიონი საფრანგეთი გახდა, რომელმაც ურუგვაი 2-0 დაამარცხა. 1993 წელს კოპა ამერიკის გამარჯვებულმა არგენტინამ ევრო 1992-ის გამარჯვებული დანია პენალტების სერიაში დაამარცხა. ხანგრძლივი პაუზის შემდეგ ფინალისიმა 2022 წელს დაბრუნდა, როდესაც არგენტინამ იტალია 3-0 გაანადგურა. წელს არგენტინას შანსი აქვს, ეს ტურნირი ზედიზედ მესამედ მოიგოს.