პედრის მორიგი უნიკალური მიღწევა

"ბარსელონას" ახალგაზრდა ესპანელი ფეხბურთელი პედრი რეკორდების მოხსნას განაგრძობს.

როგორც უკვე გაცნობეთ, პედრი ევრო 2020-ის 1/8-ფინალში ხორვატიასთან გასამართი თამაშისთვის ესპანეთის ნაკრების სასტარტო შემადგენლობაში იმყოფება.

სპორტული სტატისტიკის მწარმოებელი კომპანაი Opta-ს ცნობით, პედრი 18 წლისა და 215 დღის ასაკში გახდება ყველაზე ახალგაზრდა ფეხბურთელი, რომელიც ევროპის ჩემპიონატის ფლეი ოფში ითამაშებს.

ესპანელი ტალანტი უეინ რუნის რეკორდს მოხსნის, რომელმაც ევრო 2004-ზე ინგლისსა და პორტუგალიას შორის გამართულ შეხვედრაში 18 წლისა და 244 დღის ასაკში ითამაშა.