კოპა ამერიკის ფინალი - არგენტინა ჩილე

კოპა ამერიკაზე ზედიზედ მეორედ, ფინალურ მატჩში ერთმანეთს ლიონელ მესისა და ხავიერ მასკერანოს არგენტინა და კლაუდიო ბრავოს ჩილე დაუპირისპირდებიან.

არგენტინამ ფინალის საგზური გუშინწინ, მასპინძელი ამერიკის 4:0 განადგურებით მოიპოვა. გუშინ ღამით კი, ჩილეს ჯერი დადგა.

კოპა ამერიკის მოქმედი გამარჯვებული კოლუმბიას ეთამაშებოდა. ჩილელები, არანგისისა და ფუენსალიდას გოლებით, მე-11 წუთზე უკვე 2:0 იგებდა. შეხვედრის ბოლომდე ანგარიში არ შეცვლილა.

"ბარსელონას" მეკარემ, კლაუდიო ბრავომ მატჩი სრულად ჩაატარა და 39-ე წუთზე ყვითელი ბარათიც მიიღო.

ფინალური თამაში 27 ივნისს, თბილისის დროით 04:00 საათზე გაიმართება.

შეგახსენებთ, რომ გასულ წელს გამართულ ფინალურ დაპირისპირებაში, მასპინძელმა ჩილემ არგენტინას თერთმეტმეტრიანების სერიაში ძლია.