ბარსელონა-ოსასუნა - ჰანსი ფლიკის მატჩისწინა პრესკონფერენცია

ვფიქრობ, მაღალი დონის გუნდი გვყავს და შეგვიძლია, ნებისმიერი მეტოქე დავამარცხოთ იმ შემთხვევაშიც, თუ რამდენიმე ფეხბურთელი არ გვეყოლება.

რონალდ არაუხო და რაფინია ხვალ არ ითამაშებენ. მათ ხანგრძლივი ფრენა აქვთ და დასვენება სჭირდებათ.

თუ "ოსასუნას" დავამარცხებთ, ამ სიტუაციაზე ეს შესანიშნავი პასუხი იქნება.

ხვალ ერიკ გარსია და ინიგო მარტინესი ითამაშებენ, პაუ კუბარსი სათადარიგოზე იქნება. მას გამოსაჯანმრთელებლად კიდევ რამდენიმე დღე სჭირდება. ვფიქრობ, კუბარსი არ ითამაშებს.

ვემზადებით, გუნდი მზადაა. ერთადერთი, რაც უნდა გავითვალისწინოთ, ფეხბურთელების ფიზიკური დატვირთვაა და ისიც, ვინ გამოირჩა ვარჯიშებზე როგორც დღეს, ისე წინა დღეებში. ეს ყველაფერი უნდა გავაკონტროლოთ.

არ ვიცი, არის თუ არა "ოსასუნასთან" სათამაშოდ საუკეთესო დრო. გასვლაზე ყოველთვის 21:00 საათზე ვთამაშობთ. ამით კმაყოფილი არ ვარ, რადგან გუნდი უნდა დავიცვათ. ეს ჩემი აზრია, მაგრამ თავს არ ვიმართლებ.

არ მინდა გავიხსენო ჩემი რეაქცია, როდესაც "ოსასუნასთან" მატჩის დრო გავიგე, ამაზე არცთუ ისე კარგი რეაგირება მქონდა... თუმცა, ასე გადაწყდა. UEFA-მ და FIFA-მ ფეხბურთელების დასვენების ლიმიტები უნდა დააწესოს.

"რეალ მადრიდი" უკმაყოფილება განრიგთან დაკავშირებით? ჩვენ "ბარსელონა" ვართ და არა "რეალ მადრიდი". ამით ვამაყობ.

მთლიან შტაბს ვესაუბრე და განვიხილეთ, რა უნდა გავაკეთოთ იმისათვის, რომ ფეხბურთელებს აღდგენაში უფრო უკეთ დავეხმაროთ. მოთამაშეები თავს კარგად გრძნობენ.

ლევანდოვსკი კარგადაა და მზად იქნება. ხვალ გადავწყვეტთ, ითამაშებს თუ არა ის სასტარტოში. მისი მდგომარეობა ოპტიმალურია.