საბოლოო ვადა უსმან დემბელეს
"ბარსელონა" გუნდის ფრანგ შემტევთან, უსმან დემბელესთან კონტრაქტის გახანგრძლივებას ისევ ცდილობს.
"ბარსამ" დემბელეს კონტრაქტის გაუმჯობესებული პირობები დაახლოებით უკვე 2 კვირაა შესთავაზა, თუმცა, მას შეთავაზებისთვის ჯერ კიდევ არ უპასუხია.
Mundo Deportivo-ს ინფორმაციით, "ბლაუგრანა" 24 წლის ფეხბურთელის ირგვლივ შექმნილი სიტუაციით დაიღალა და მას ზღვრული ვადა დაუწესა. უსმანმა შობის დღეს ან მაქსიმუმ 26 დეკემბერს კლუბს პასუხი უნდა შეატყობინოს - გააფორმებს თუ არა ახალ ხელშეკრულებას. ეს დემბელეს ბოლო ვადაა. თუ "ბარსელონა" ფრანგისგან პასუხს არ მიიღებს, კატალონიელები ჩათვლიან, რომ ის გუნდს ტოვებს.
წყაროს ცნობით, დემბელეს დარჩენა და კონტრაქტის გახანგრძლივება უნდა, მაგრამ მისი აგენტი, რომელსაც სხვა შეთავაზებები აქვს, პასუხისგან ჯერჯერობით თავს იკავებს. უკვე არაერთხელ გავრცელდა ინფორმაცია, რომ უსმანს მისი წარმომადგენელი "ბარსელონას" დატოვებისკენ და სხვა კლუბში გადასვლისკენ მოუწოდებს.
ამ სიახლეზე კომენტარები გათიშულია.
კომენტარები [ 9 ]