ბარსელონა-ოვიედო - ჰანსი ფლიკის მატჩისწინა პრესკონფერენცია
- თამაშის დრო: კვირა, 25 იანვარი, 19:15
დღეს "ბარსელონა" ესპანეთის ჩემპიონატის 21-ე ტურის შეხვედრაში "ოვიედოს" უმასპინძლებს. ჰანსი ფლიკმა თამაშის წინ პრესკონფერენცია გამართა და ჟურნალისტების კითხვებს უპასუხა.
საპრეზიდენტო არჩევნები? რაც უფრო მალე ჩატარდება, უკეთესია. ეს კარგი სიახლეა. არ ვფიქრობ, რომ ეს გუნდზე იმოქმედებს. ჩვენი საქმე მოედანზე მაქსიმუმის გაკეთებაა.
ბოლო წელიწად-ნახევრის განმავლობაში ყველაფერი დადებითად შეიცვალა. დიდი ინვესტიეციები არ ჩაგვიდია. "ლა მასიელებს" შესაძლებლობები მივეცით. კლუბის მომავალს ფანები გადაწყვეტენ.
თუ შევძლებ, ხმის მიცემაში მონაწილეობას მივიღებ.
ჩემი ხმა საიდუმლოა (იცინის).
სტანდარტულებიდან გაშვებული გოლები? სავარჯიშოდ დიდი დრო არ გვქონდა, მაგრამ ამაზე ვისაუბრეთ. პრაღაში ადაპტაციისთვის დრო გვჭირდებოდა. გუნდს ვენდობი.
არაუხომ, შესაძლოა, სასტარტოში ითამაშოს. ვნახოთ. ამას მოგვიანებით გადავწყვეტთ.
გავის ყოველდღე ვხედავ. ის უმჯობესდება. ყველაზე მნიშვნელოვანია, მან სიმშვიდე შეინარჩუნოს და არ იჩქაროს. გავის წინ ხანგრძლივი კარიერა აქვს და სიჩქარე საჭირო არაა.
ვფიქრობ, კუბარსიმ ბოლო მატჩებში ბევრი ითამაშა და ნორმალურია, რომ ზოგიერთ სიტუაციაში მოწოდების სიმაღლეზე არაა. მას დიდი პოტენციალი აქვს. ამ ასპექტების გამუჯობესებაზე პაუსთან ერთად ვმუშაობთ.
ფერმინს მატჩების მიმდინარეობის შეცვლა შეუძლია და მისგან სწორედ ეს გვჭირდება. ზოგჯერ მას ბურთთან ცოტათი მეტი სიმშვიდე მართებს. ის ძალიან დინამიურია.
მომხმარებლებს, რომლებიც იმყოფებიან ჯგუფში სტუმარი, ამ მასალაზე კომენტარის დამატების უფლება არ აქვთ.
კომენტარები [ 6 ]