ჰანსი ფლიკის კომენტარი კოპენჰაგენთან მოგების შემდეგ
"ბარსელონას" მთავარმა მწვრთნელმა ჰანსი ფლიკმა ჩემპიონთა ლიგაზე "კოპენჰაგენის" განადგურებისა (4-1) და პირდაპირ 1/8-ფინალის საგზურის მოპოვების შემდეგ კომენტარი გააკეთა.
კმაყოფილი არ ვარ, ეს კარგი პირველი ტაიმი არ იყო. მცირე ცვლილებების წყალობით მეორე ტაიმში ბევრად უკეთესები ვიყავით. თავიდანვე კარგი სტარტი უნდა გვქონდეს.
ლიგის ფაზის მე-5 ადგილზე დასრულება ფანტასტიკურია. ახლა ორი მატჩით ნაკლები გვაქვს. ის ფაქტი, რომ დიდი გუნდები ჩემპიონატს გამოეთიშნენ, აჩვენებს, რა რთული ტურნირია, თუმცა მე მხოლოდ ჩემს გუნდზე ვარ ფოკუსირებული.
იამალს ადაპტაცია უწევს ხოლმე, რადგან ზოგჯერ მეტოქეებს მასზე 3 ფეხბურთელი ჰყავთ გამოყოფილი, მაგრამ ის ძალიან კარგად თამაშობს. მან დაცვაში ძალიან მოუმატა და ეს თამაშის ნაწილია. ძალიან ბედნიერი ვარ. ლამინი ჩვენთვის ძალიან მნიშვნელოვანია.
ბერნალმა ფანტასტიკური მატჩი ჩაატარა. მის ვარჯიშს ყოველდღე ვხედავთ. მარკს აქვს პოტენციალი, გაუმჯობესება გააგრძელოს. ყველამ ვიცით, რომ ის არაჩვეულებრივი ფეხბურთელია, მაგრამ ტრავის შემდეგ ფიზიკურად გაუმჯობესება კიდევ სჭირდება.
მომხმარებლებს, რომლებიც იმყოფებიან ჯგუფში სტუმარი, ამ მასალაზე კომენტარის დამატების უფლება არ აქვთ.
კომენტარები [ 7 ]