ჟერარ პიკე: ბარსელონა ყველა ტიტულის მოგების კანდიდატია

"ბარსელონა" ისევე თამაშობს, როგორც შარშან თამაშობდა. "ბარსა" ძალიან შემტევი გუნდია, რომელიც ბევრს რისკავს, მაგრამ, ამავდროულად, შოუს დგამს, რაც, საბოლოო ჯამში, ხალხს უნდა: ბევრი გოლის გატანა და ასევე გაშვება, რაც ჰანსი ფლიკის მიდგომით მოსალოდნელია. ვფიქრობ, ისინი ყველაფრის მოგების პრეტენდენტები არიან, მათ შორის ჩემპიონთა ლიგისაც.

აშკარაა, რომ ევროპაში ამჟამად რამდენიმე ძალიან დიდი პროექტია. ეს კლუბები, ადრე თუ გვიან, ჩემპიონთა ლიგას მოიგებენ. მაგალითად, "არსენალი" ან პსჟ, რომელმაც ლიგა უკვე მოიგო; ასევე "რეალ მადრიდი" ან "ბაიერნი", რომელმაც, ვფიქრობ, კომპანისთან ერთად დონე აიმაღლა. ასე რომ, აშკარაა, გაგვიჭირდება.