ბარსელონა კამპ ნოუზე მაისში დაბრუნდება - MD
კატალონიური Mundo Deportivo-ს მიერ გავრცელებული ინფორმაციის თანახმად, "ბარსელონას" "სპოტიფაი კამპ ნოუზე" მაისში დაბრუნება შეეძლება. ეს ნიშნავს, რომ კლუბს საშუალება ექნება, ესპანეთის ჩემპიონატის ბოლო ორ საშინაო მატჩს მშობლიურ სტადიონზე უმასპინძლოს.
წყარო იტყობინება, რომ დირექტორთა საბჭომ გუშინდელი შეხვედრის შემდეგ ლა ლიგის მიმდინარე გათამაშების უკანასკნელი ორი საშინაო თამაშის სამასპინძლოდ მხოლოდ "კამპ ნოუს" ვარიანტი დაამტკიცა.
იმავე წყაროს ცნობებით, სამშენებლო კომპანია Limak ირწმუნება, რომ "ბლაუგრანას" "სპოტიფაი კამპ ნოუზე" მაისში დაბრუნების შესაძლებლობა ექნება.
ცნობილია, რომ "ბარსას" "ლუი კომპანისზე" თამაშის უფლება აპრილის ბოლომდე აქვს. ამის გათვალისწინებით, კლუბთან დაახლოებული წყაროები ადასტურებენ, რომ სამშენებლო კომპანია "რეალ მადრიდთან" და "ვილიარეალთან" გასამართი შეხვედრების მასპინძლობისთვის სტადიონის მზაობის გარანტიას იძლევა.
მატჩების უცხოეთში ჩატარების ვარიანტი თითქმის სრულიად გამოირიცხა. იმ შემთხვევაში, თუ "რეალ მადრიდისა" და "ვილიარეალის" სამასპინძლოდ "კამპ ნოუ" მზად არ იქნება, "ბარსელონა" ალტერნატიულ ვარიანტად "იოჰან კრუიფს" განიხილავს.
ამ სიახლეზე კომენტარები გათიშულია.
კომენტარები [ 8 ]