ჩავიმ ერიკ გარსია დაარწმუნა, რომ ბარსელონაში რჩება
"ბარსელონას" ესპანელი ცენტრალური მცველი ერიკ გარსია მის შესახებ გავრცელებული ცნობებით შეწუხებულია, რის გამოც ის გუნდის მთავარ მწვრთნელს, ჩავი ერნანდესს გაესაუბრა.
ცნობილი ჟურნალისტის, გაბრიელ სანსის ცნობით ერიკ გარსია დაინტერესდა, მართლა აპირებს თუ არა "ბარსა" მის გაყიდვას. ჩავისგან კი მიიღო პასუხი, რომ ფეხბურთელი გუნდში რჩება, თუ კატალონიელებმა მის სანაცვლოდ ფინანსურად ძალიან ხელსაყრელი შეთავაზება არ მიიღეს.
გასულ სეზონში გარსიამ მონაწილეობა 32 შეხვედრაში მიიღო. მიმდინარე სეზონში დაცვის ცენტრში კონკურენცია უფრო დიდი იქნება, რადგან "ბარსამ" ინიგო მარტინესი და მიკაილ ფაი დაიმატა. ივარაუდება, რომ ჩავი 22 წლის ესპანელს საყრდენი ნახევარმცველის პოზიციაზეც გამოცდის.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 20 ]