ერიკ გარსიამ ცხვირი გაიტეხა

"ბარსელონას" ლაზარეთში მატებაა. ტრავმირებულთა სიას გუნდის ცენტრალური მცველი ერიკ გარსია შეუერთდა.

"ბლაუგრანას" მიერ ცოტა ხნის წინ გავრცელებული ოფიციალური განცხადებიდან ირკვევა, რომ 24 წლის ესპანელმა ცხვირი გაიტეხა. ამის გამო მას უახლოეს მომავალში ნიღბის ტარება მოუწევს. ჯერჯერობით უცნობია, შეძლებს თუ არა გარსია "სელტასთან" მოახლოებულ მატჩში მოედანზე გასვლას.

ერიკ გარსიამ მიმდინარე სეზონში მონაწილეობა თხუთმეტივე თამაშში მიიღო და თავი 1 გოლით გამოიჩინა.