ფრენკი დე იონგი და მარკ კასადო დისკვალიფიკაციის ზღვარზე არიან

ხვალ "ბარსელონა" ჩემპიონთა ლიგის მე-4 ტურში ბელგიურ "ბრიუგეს" სტუმრად დაუპირისპირდება.

პედრის ტრავმის შემდეგ ჰანსი ფლიკმა გადაწყვიტა, ნახევარდაცვაში ერთმანეთს მარკ კასადო და ფრენკი დე იონგი შეუწყვილოს. დიდი ალბათობით, ხვალინდელ შეხვედრაშიც ამ დუეტს ვიხილავთ, თუმცა ორივე მათგანს ფრთხილად თამაში მოუწევს.

ჩემპიონთა ლიგის მიმდინარე გათამაშებაში ნიდერლანდელ და ესპანელ ნახევარმცველებს უკვე 2-2 ყვითელი ბარათი დაუგროვდათ, ეს კი იმას ნიშნავს, რომ ისინი დისკვალიფიკაციის ზღვარზე იქნებიან. "ბრიუგესთან" გაფრთხილების შემთხვევაში ფეხბურთელები მომდევნო ტურში "ჩელსის" წინააღმდეგ ვერ ითამაშებენ.