პედრის ინტერვიუ GQ-სთან

პანდემიის გამო, ქალაქის უკეთ გაცნობასა და დათვალიერებას აქამდე ვერ ვახერხებდი. კანარის კუნძულებზე ყველაზე მეტად ოჯახი, მეგობრები და ის სიმშვიდე მენატრება, რომელიც იქ სუფევს.

ზღვა მიყვარს, რაც აქაც მაქვს. ხანდახან, სანაპიროზე სეირნობისას, ძალიან ვბრაზდები, რადგან დაყრილ ნაგავს ვხედავ. ყოველთვის, ვცდილობ, რომ დაყრილი ნაგავი ურნაში მოვათავსო. ეს არცისე ძნელია და ვფიქრობ, რომ აუცილებელია, რომ ცნობიერება ავიმაღლოთ, რათა უფრო სიცოცხლისუნარიანი პლანეტა გვქონდეს. Kick Out Plastic-თან სწორედ ამ მიზნით ვთანამშრომლობ.

ბარსელონაში ჩემი ცხოვრება ძალიან მშვიდია. როცა ვარჯიში არ მაქვს, სახლში სერიალს ვუყურებ ან ჩემს ძმასთან ერთად სამაგიდო თამაშებითა და პინგ-პონგით ვერთობი. ისევ ძმასთან ერთად ვცხოვრობ, მშობლები ხშირად გვსტუმრობენ. თავიდან, კოვიდის გამო რთული იყო, მაგრამ შემდეგი მეგობრები შევიძინე, მათ შორის ანსუ, ერიკი, ნიკო, გავი და ახლა ფერანიც.

როგორც ფეხბურთელი, იგი "ბარსელონას" სიამაყეა. ჩემთვის, როგორც ნახევარმცველისთვის, მასთან ერთად მუშაობა პრივილეგიაა. მას პირადად არ ვიცნობდი, მაგრამ ეჭვი არ მეპარებოდა, რომ მის დონეზე ფეხბურთს ცოტა ადამიანი იცნობს. ამაში მასთან ყოველდღიური მუშაობისას დავრწმუნდი. მის გვერდით, თითოეული ჩვენგანი ბევრ რამეს ისწავლის და გავიზრდებით, როგორც ინდივიდუალურად, ასევე გუნდურად. იმ გუნდით, რომელსაც იგი ქმნის, დიდ სიამოვნებას მივიღებთ.

ყველაზე მეტად, ფეხბურთი ფიზიკური თვალსაზრისით შეიცვალა. თამაში უფრო და უფრო მეტ რიტმს მოითხოვს. ამ მხრივ, მეტი უნდა ვიმუშავოთ. მეც კუნთის მასას ვიმატებ, მაგრამ თავი მაინც ყველაზე მნიშვნელოვანი ნაწილია. იგი საშუალებას გვაძლევს მეტოქეს დავასწროთ და ვაჯობოთ.

ჩვენი თაობის პუიოლის, ჩავისა და ინიესტას თაობასთან შედარება ბევრს ნიშნავს, რადგან მათ ისტორიაში საუკეთესო "ბარსა" შექმნეს. დარწმუნებული ვარ, რომ სწორ გზას ვადგავართ და მომავალში არაერთი წარმატების მიღწევას შევძლებთ. ამ კლუბმა ყოველთვის ყველა ტიტულის მოგებისთვის უნდა იბრძოლოს.

ეს თვეები, როდესაც თამაშს ვერ ვახერხებდი, დამეხმარა, უფრო ჩამოვყალიბებულიყავი და დამენახა, თუ რა მაქვს გასაუმჯობესებელი. ბოლო პერიოდში ყველაფერი ძალიან სწრაფად მოხდა, მაგრამ, რა თქმა უნდა, არაფერს ვნანობ და არაფერს შევცვლიდი.