პედრი: ჩვენი პლანეტა უნდა გადავარჩინოთ
"ბარსელონას" ახალგაზრდა ნახევარმცველმა, პედრიმ, Kick Out Plastic-ის ფონდის პრეზენტაციაში მიიღო მონაწილეობა, რომლის მიზანიც ერთჯერადი პლასტმასის გამოყენების წინააღმდეგ ბრძოლაა.
"ჩვენი პლანეტა უნდა გადავარჩინოთ ისევ ჩვენთვის, განსაკუთრებით კი ახალგაზრდებისთვის.
შესაძლოა, საქმე იმაშია, რომ მე კანარის კუნძულებზე დავიბადე. ჩემი სამშობლო ლამაზი ბუნებითაა განთქმული. განსაკუთრებით მგრძნობიარე ვარ, როცა საქმე გარემოს დაცვას ეხება. მე ქუჩაში გავიზარდე, პლაჟებითა და მთებით ვიყავი გარშემორტყმული. ეს ძალიან მშვენიერი ადგილია იმისთვის, რათა ის პლასტმასით არ აივსოს. ხალხის მხრიდან უყურადღებობის გამო მათი დაკარგვა არ შეგვიძლია.
ვფიქრობ, რომ მშობლებმა ამ კუთხით კარგად აღმზარდეს. ჩვენ ყოველთვის ვიყავით დაკავებულები სახლში ნაგვის გადამუშავებით. როცა პლაჟზე მივდივარ, ნაგავს ვკრეფ და ვყრი."
- ციტირებს პედრის Sport.
ამ სიახლეზე კომენტარები გათიშულია.
კომენტარები [ 8 ]