MD: ფრენკი დე იონგი "ნაპოლისთან" ძირითადში ითამაშებს

Mundo Deportivo-ს ინფორმაციით, "ბარსელონას" ჰოლანდიელი ნახევარმცველი ფრენკი დე იონგი, "ოსასუნასთან" მატჩის (1-2) შემდეგ, თავს შესანიშნავად გრძნობს და "ნაპოლისთან" თამაშისთვის სრულად მზად იქნება.

ახალგამოჯანრთელებულმა ნიდერლანდელმა ფეხბურთელმა, გუშინ, ესპანეთის ჩემპიონატის ბოლოსწინა ტურის შეხვედრაში, რამდენიმეკვირიანი უქმობის შემდეგ, 11 წუთი ითამაშა, თუმცა მან ასეთ მცირე დროშიც კი კარგი შთაბეჭდილება დატოვა. დე იონგი, რომელიც თამაშში 79-ე წუთზე აქტიურად, ბურთს 18-ჯერ შეეხო. ფრენკიმ 15 პასი გააკეთა.

კატალონიელი ჟურნალისტების ცნობით, 23 წლის შუახაზელი, ასევე, რამდენიმე წუთი ითამაშებს კვირას, ლა ლიგის ბოლო ტურში, "ალავესთან" გასამართ მატჩში.

იმავე წყაროს ინფორმაციით, "ბარსას" სამედიცინო შტაბი დე იონგის ჩემპიონთა ლიგის 1/8-ფინალის განმეორებით შეხვედრაში მონაწილეობის მიღებაზე ოპტიმისტურადაა განწყობილი. ივარაუდება, რომ ფრენკი "ნაპოლისთან" სასტარტო შემადგენლობაში თამაშს შეძლებს.

"ბარსელონა" და "ნაპოლი" ერთმანეთს 8 აგვისტოს შეხვდებიან.