ტერ შტეგენმა გუნდური ვარჯიში განაახლა

"ბარსელონას" ბანაკში კარგი ამბავია - გუნდის მეკარე მარკ-ანდრე ტერ შტეგენი დაბრუნდა.

გერმანელი კარის დარაჯი დიდხნიანი პაუზის შემდეგ დაბრუნდა და ამ წუთებში გუნდთან ერთად ვარჯიშობს.

ვარჯიშზე ისევ არ იმყოფება რონალდ არაუხო. ივარაუდება, რომ ის "ატლეტიკოსთან" ხვალინდელ დაპირისპირებას გამოტოვებს.

Sport-ის ცნობებით, არ ვარჯიშობს რაფინია, რისი მიზეზიც უცნობია.

ზედიზედ მეორე დღეა გუნდურ ვარჯიშში მონაწილეობს ფრენკი დე იონგი და ის ხვალ ხელმისაწვდომი იქნება.