კარისუ "ბარსელონასთან" ესპანეთის სუპერ თასზე ვერ ითამაშებს
"სევილიას" პორტუგალიელი ცენტრალური მცველი დანიელ კარისუ მომდევნო სეზონის სტარტზე, ესპანეთის სუპერ თასზე "ბარსელონასთან" გასამართ ორივე მატჩს გამოტოვებს. ამის მიზეზი დისკვალიფიკაციაა.
გასულ შაბათს, ესპანეთის თასის ფინალის მიწურულს, კარისუმ ლიონელ მესის წინააღმდეგ იუხეშა, რის გამოც ყვითელი ბარათი მიიღო. რამდენიმე წამში, შეხვედრის მთავარმა არბიტრმა, კარლოს დელ სერო გრანდემ, პორტუგალიელს მე-2 ყვითელი ბარათი მისცა და მოედნიდან გააძევა. მოგვიანებით გაირკვა, რომ 27 წლის ფეხბურთელმა მსაჯის მიმართ ჰომოფობიური სიტყვები გამოიყენა. შედეგად, არბიტრის შეურაცხყოფის გამო, მან 4-მატჩიანი დისკვალიფიკაცია მიიღო. ეს კი ნიშნავს, რომ კარისუ ესპანეთის სუპერ თასის ორივე მატჩს, ასევე ესპანეთის თასის პირველ ორ დაპირისპირებას გამოტოვებს.
ესპანეთის სუპერ თასის პირველ მატჩს ხავიერ მასკერანო და ევერ ბანეგაც გამოტოვებენ, რომლებმაც თასის ფინალში ასევე წითელი ბარათები მიიღეს.
ამ სიახლეზე კომენტარები გათიშულია.
კომენტარები [ 7 ]