ის, რაც მხოლოდ ბარსას შეუძლია

ცოტა ხნის წინ დასრულდა ესპანეთის სუპერ თასის ფინალი, რომელშიც "ბარსელონამ" "რეალ მადრიდი" 3-2 დაამარცხა.

ეს იყო ზედიზედ მეორე შემთხვევა, როდესაც "ბლაუგრანამ" ესპანეთის სუპერ თასი მოიგო. ერთი გუნდის მიერ ამ ტურნირის ზედიზედ მოგება საკმაოდ იშვიათი ფაქტია.

მას შემდეგ, რაც სუპერ თასი ოთხგუნდიანი გახდა (2020 წლიდან), ერთი გუნდის მიერ ზედიზედ მოგების ფაქტი პირველად დაფიქსირდა.

ამ ტურნირის ისტორიაში სულ ერთხელ მოხდა, როდესაც გუნდმა ჩემპიონობა ზედიზედ ორჯერ იზეიმა და ეს გუნდი "ბარსელონა" არ იყო. 1988-1990 წლებში "რეალ მადრიდმა" ფინალში ორჯერ იმარჯვა, ერთხელ კი "ბლანკოსს" თასი ავტომატურად გადაეცა.

"ბარსელონას" ისტორიაში კი ესპანეთის სუპერ თასის ზედიზედ მოგება მეოთხედ დაფიქსირდა. პირველად ეს 1991 და 1992 წელს მოხდა, მეორედ 2005 და 2006 წელს, ხოლო 2009-2011 წლებში "ბლაუგრანამ" ტიტული ზედიზედ 3-ჯერ მოიგო.

"ბარსელონამ" ესპანეთის სუპერ თასი სულ მეთექვსმეტედ მოიგო და მდევარი "რეალ მადრიდი" (13 ტიტული) უკან კიდევ უფრო ჩამოიტოვა.