ბარსელონა მარკ ბერნალის იჯარით გაშვებაზე ფიქრობს
"ბარსელონა" განიხილავს ვარიანტს, სეზონის ბოლომდე იჯარით გაუშვას გუნდის ახალგაზრდა ტალანტი მარკ ბერნალი.
ბერნალი "ბლაუგრანას" პირველ გუნდში 2024/25 წლების სეზონში გამოჩნდა და თავიდანვე ძალიან კარგი შთაბეჭდილება დატოვა, მაგრამ მალევე მძიმე ტრავმა მიიღო, რის გამოც წელიწადზე მეტი გაუცდა. დაბრუნების შემდეგ 18 წლის ფეხბურთელი "ბარსას" შემადგენლობაში პერიოდულად კი ჩნდება, მაგრამ საკმარის წუთებს ის მაინც ვერ იღებს.
"ბარსელონაში" როგორც სამწვრთნელო შტაბს, ასევე ხელმძღვანელობას მიაჩნია, რომ ბერნალი კლუბის მომავალია, თუმცა სეზონის ბოლომდე მისი იჯარით გაშვების ვარიანტს მაინც განიხილავენ. მიზეზი ისაა, რომ ფეხბურთელმა დიდი რაოდენობით სათამაშო დრო მიიღოს.
Sport-ის ცნობით მარკის იჯარით დამატების დიდ სურვილს გამოთქვამს კატალონიური "ჟირონა". ასევე არის ინტერესი ჩემპიონთა ლიგაზე მოთამაშე კლუბებისგანაც.
მოსალოდნელია, რომ "ბარსა" გადაწყვეტილებას თვის ბოლოს მიიღებს და ბერნალს მხოლოდ იმ შემთხვევაში გაუშვებს, თუ მას სხვა გუნდში საკმარისი რაოდენობის სათამაშო დრო ექნება.
მომხმარებლებს, რომლებიც იმყოფებიან ჯგუფში სტუმარი, ამ მასალაზე კომენტარის დამატების უფლება არ აქვთ.
კომენტარები [ 8 ]