რაიო-ბარსელონა - ჰანსი ფლიკის მატჩისწინა პრესკონფერენცია

ლა ლიგის 6 ქულით დაწყება მნიშვნელოვანი იყო, მაგრამ ახლა უკვე მესამე თამაშის მოგებაზე ვართ ფოკუსირებულები. "რაიო" შესანიშნავი გუნდია. რთული მატჩი იქნება.

ვეცდებით, კარგი, ძალიან შემტევი ფეხბურთი ვითამაშოთ. ყველა თამაში განსხვავებულია და დაძაბულობა ყოველთვის ძალიან მაღალია. თავდაჯერებულად უნდა ვითამაშოთ. გვყავს ფეხბურთელები, რომლებსაც სხვაობის შექმნა შეუძლიათ.

ბურთის ფლობა მნიშვნელოვანია, მაგრამ ასევე სივრცეები მაქსიმალურად უნდა მოვიყენოთ.

ფერმინი აქაა. მას ვესაუბრე და დარწმუნებული ვარ, დარჩება.

ზოგჯერ ფეხბურთელები განსხვავებულად ფიქრობენ ან მათზე გარემო მოქმედებს. ბედნიერი ვარ, რომ ფერმინი "ბარსაში" თამაშობს. ის ჩვენთვის ძალიან მნიშვნელოვანი მოთამაშეა.

გავი? გეგმა იმაში მდგომარეობს, რომ ის "ვალენსიასთან" მატჩისთვის მზად იყოს. დადებითად ვართ განწყობილნი.

გუნდზე ვარ კონცენტრირებული. ფინანსური მდგომარეობა არ მაინტერესებს. ფანტასტიკური გუნდი გვყავს და ყველამ იცის, რომ ახლანდელი ფეხბურთელების შენარჩუნებას ვისურვებდი.

ფერმინმა იცის, რომ მთელ გუნდს მისი დარჩენა უნდა. კვირის დასაწყისში ის სხვანაირად გამოიყურებოდა. ახლა ფერმინი უფრო მეტად ფეხბურთზეა ფოკუსირებული და ნორმალურადაა. ეს ჩვენთვის კარგია.

იქნება თუ არა შენაძენი სატრანსფერო ფანჯრის ბოლო დღეებში? სიმართლე გითხრათ, წარმოდგენა არ მაქვს. სატრანსფერო ბაზარი გიჟურია.

"რაიოს" სტადიონის მდგომარეობა? ამას ვერ შევცვლით, ვერაფერს ვიზამთ. ორივე ერთსა და იმავე მოედანზე ვითამაშებთ.

ჩემპიონთა ლიგის წილისყრა? ისეთი გუნდისთვის, როგორიც "ბარსელონაა", მიზანი ჩემპიონთა ლიგის მოგებაა. წინ შესანიშნავი და განსხვავებული თამაშებია. გასულ წელს ფანტასტიკური ნახევარფინალი ჩავატარეთ, მაგრამ ამ სეზონში ისევ ყველაფერს გავაკეთებთ.