დეკუ ჰოლანდის აგენტს შეხვდა - ფაბრიციო რომანოს ახსნა
არსებული ინფორმაციით, "ბარსელონას" სპორტული დირექტორი დეკუ ერლინგ ჰოლანდის აგენტ რაფაელა პიმენტას შეხვდა. როგორც ცნობილი ჟურნალისტი ფაბრიციო რომანო აცხადებს, შეხვედრა ჰოლანდის შეძენას არ უკავშირდებოდა, ვინაიდან კლუბში არსებული ფინანსური მდგომარეობა "ბარსას" ნორვეგიელის შეძენის საშუალებას არ აძლევს.
"მანჩესტერ სიტიში" ჰოლანდი კვირაში 660 ათას ევროზე მეტს იღებს, ხოლო Transfermarkt-ზე იგი 150 მილიონ ევროდაა შეფასებული. ეს "ბარსელონას" მხრიდან ფეხბურთელის გადაბირების შესაძლებლობას გამორიცხავს. კლუბს ცალკე 200 მილიონი ევროს შოვნა ისედაც მოუწევს ფეხბურთელების გაყიდვით, რათა ლა ლიგის რეგულაციები დააკმაყოფილოს.
ჰოლანდის აგენტი ევროპის ტოპ-5 ლიგის კიდევ 27 ფეხბურთელს ემსახურება. რომანოს თქმით, დეკუ ერთ-ერთი მათგანის პოტენციურ ტრანსფერზე ესაუბრა. შესაძლო ვარიანტი "ბაიერნის" მცველი და ფრენკი დე იონგის ახლო მეგობარი მატიას დე ლიხტია.
ამ სიახლეზე კომენტარები გათიშულია.
კომენტარები [ 5 ]