ჩავის სურვილები: ჰოლანდი აუცილებლად, პოგბა სასურველია
დღეს ფაბრიციო რომანომ გაავრცელა ინფორმაცია, რომ ჟოან ლაპორტა ტურინში ერლინგ ჰოლანდის აგენტს, მინო რაიოლას შეხვდა.
მალევე ეს ინფორმაცია სხვა წყაროებმაც დაადასტურეს და ცნობილი გახდა, რომ ტურინის ერთ-ერთ სასტუმროში გამართულ შეხვედრას "ბარსელონას" მხრიდან მატეუ ალემანი და ჟორდი კრუიფიც ესწრებოდნენ. შეხვედრა სპონტანური არ ყოფილა და ის წინა კვირაში დაიგეგმა.
გავრცელებული ინფორმაციით მხარეებს მხოლოდ ერლინგ ჰოლანდის ტრანსფერზე არ უსაუბრიათ. ისინი რაიოლას კიდევ ერთ კლიენტს, პოლ პოგბასაც შეეხnენ, რომელსაც "მანჩესტერ იუნაიტედთან" კონტრაქტი მიმდინარე სეზონის ბოლოს ეწურება.
ცნობილი ესპანელი ჟურნალისტის, ხავი მიგელის ინფორამციით, "ბარსელონას" დამრიგებელს, ჩავი ერნანდესს ერლინგ ჰოლანდის დამატება აუცილებლობად მიაჩნია, ხოლო პოლ პოგბას ტრანსფერს ის მიესალმება.
ამ სიახლეზე კომენტარები გათიშულია.
კომენტარები [ 11 ]