ლაპორტას ყველაფერზე დავთანხმდები - რას ამბობდა ერლინგ ჰოლანდის აგენტი გასულ წელს?

ახლახან გავრცელდა ინფორმაცია, რომ "ბარსელონა" ერლინგ ჰოლანდის აგენტებს შეხვდა.
ნორვეგიელის ერთ-ერთი აგენტი რაფაელა პიმენტაა, რომელმაც 2023 წელს "ბარსელონაზე" საინტერესოდ ისაუბრა.
ლაპორტა წარმოუდგენლად მიყვარს. მისთვის ყოველთვის ხელმისაწვდომი ვარ და ძალიან ვაფასებ. ჟოანმა იცის, რომ არაფერი უნდა მთხოვოს - ეს არასამართლიანი იქნება, რადგან მან იცის, რომ ყველაფერზე დავთანხმდები.
ლაპორტას რჩევები არავისგან სჭირდება, მაგრამ თუ მას კარგი მოთამაშეები მოუნდება, აქ ვარ. მაღალი დონის ფეხბურთელები გვყავს, რომლებსაც "ბარსელონას" დახმარება შეუძლიათ. "ბარსამ" ეს იცის და ჩემ მიმართ ყოველთვის კარგად იყო განწყობილი.
იბრაჰიმოვიჩის ტრანსფერის დროს ლაპორტასთან მოლაპარაკებებს ვაწარმოებდი. მაშინ, ის ერთადერთი კონტრაქტი იყო, რომელიც კატალონიურ ენაზე არ შეადგინეს - ჟოანმა ეს ჩემთვის გააკეთა.
მოგვიანებით, როცა ბარსელონაში ჩავედი, კონტაქტი ისევ გვქონდა. ლაპორტაზე საუბრისას, რაციონალური არ ვარ. მე მისი ფანი ვარ.
მინო რაიოლას გარდაცვალებამდე, როცა პრესაში ცნობები ნაადრევად გაავრცელეს, ლაპორტა პირველი იყო, ვინც დამირეკა და სრული მხარდაჭერა გამომიცხადა.
დეკუს ვიცნობ. ის სამუშაოს დიდებულად ასრულებს. დეკუს "ბარსასთან" ბევრი რამ აკავშირებს და ბრაზილიასთანაცაა დაკავშირებული. კატალონიური კლუბი მის გულშია, რაც მუშაობისას ყველაზე მნიშვნელოვანია.
ვიმედოვნებ, ჩემი სააგენტოდან რომელიმე ფეხბურთელს "ბარსელონაში" ვიხილავ, რადგან ეს კლუბი მოთამაშეებისთვის საოცნებოა. როცა მათ ვესაუბრები, ყოველთვის მეუბნებიან, რომ "ბარსაში" თამაში სურთ.
"ბარსელონა" მეტია, ვიდრე კლუბი და ამას ქალთა ფეხბურთზე ზრუნვითაც აჩვენებს. ზოგი კლუბი ქალთა ფეხბურთით იმიტომ ინტერესდება, რომ ამას ყველა აკეთებს, "ბარსა" კი ამაზე იმიტომ მუშაობს, რომ პროექტის სჯერა.
ვნახავთ თუ არა ჰოლანდს ესპანეთში? გასულ კვირასაც ვნახე [იცინის]. შვებულების დროს ის მარბელიაში წავა. ნორვეგიელს ეს ადგილი მოსწონს. მისი ლა ლიგაში ხილვა? არ ვიცი.
- ამბობდა ბრაზილიელი აგენტი Mundo Deportivo-სთან ინტერვიუში.
ამ სიახლეზე კომენტარები გათიშულია.
კომენტარები [ 17 ]