ლამინ იამალის ახალი რეკორდი

გუშინ, ესპანეთის სუპერ თასის ნახევარფინალში, ლამინ იამალმა "ოსასუნას" გაუტანა, რითაც ახალი რეკორდი დაამყარა.

იამალი ჩემპიონთა ლიგასა და ლა ლიგაში "ბარსელონას" ყველაზე ახალგაზრდა ფეხბურთელია, ახლა კი, 16 წლისა და 182 დღის ასაკში, ყველაზე პატარა მოთამაშე გახდა, ვისაც ესპანეთის სუპერ თასზე უთამაშია და გოლი გაუტანია.

სხვა რეკორდები

იამალი ლა ლიგის ისტორიაში ყველაზე ახალგაზრდა გამტანი გასული წლის ოქტომბერში, 16 წლისა და 87 დღის ასაკში, "გრანადას" კარში გატანილი გოლით გახდა. მან ფაბრის ოლინგას შედეგი 11 დღით გააუმჯობესა. 

ესპანეთის ნაკრების ისტორიაში კი ლამინი ყველაზე ახალგაზრდა გამტანი 2023 წლის სექტემბერში, 16 წლისა და 57 დღის ასაკში, "დინამო არენაზე" საქართველოსთან გატანილი გოლით გახდა. აღსანიშნავია, რომ ეს, ამავდროულად, სანაკრებო დონეზე მისი სადებიუტო მატჩი იყო.