პედრი, დემბელემ და დე იონგმა გუნდთან ერთად ივარჯიშეს

"ბარსელონას" ტრავმირებული ფეხბურთელები დაბრუნებასთან ახლოს არიან.

AS-ის ჟურნალისტის, ხავი მიგელის ინფორმაციით, პედრი, ფრენკი დე იონგმა და უსმან დემბელემ დღეს ნაწილობრივ გუნდთან ერთად ივარჯიშეს. 

წყაროს ცნობით, პირველადი შეფასებები დადებითია და სამწვრთნელო შტაბის მიზანი მინიმუმ პედრისა და დე იონგის "ატლეტიკოს" წინააღმდეგ დაბრუნებაა, დემბელეს დაბრუნება კი შესაძლოა კიდევ გადაიდოს.

მოსალოდნელია, რომ დაბრუნების შემთხვევაში, პედრი და დე იონგი კვირას გასამართ შეხვედრას ძირითადი შემადგენლობიდან დაიწყებენ, დემბელე კი მოედანზე მეორე ტაიმში შემოვა.

ტრავმირებულებს შორის რჩებიან სერჟი რობერტო და ანდრეას კრისტენსენი. დანიელი შესაძლოა 32-ე ან 33-ე ტურში, შესაბამისად, "რეალ ბეტისის" ან "ოსასუნას" წინააღმდეგ დაბრუნდეს, რაც შეეხება ესპანელს, მისთვის დიდი ალბათობით სეზონი დასრულებულია.