ლაპორტა ფერან ტორესს: შენ თამაში შეცვალე!
"ბარსელონას" გულშემატკივრებში ფერან ტორესის მიმართ არაერთგვაროვანი დამოკიდებულებაა. ესპანელ ფეხბურთელს ბევრი შანსი ექმნება, რაც მისი დადებითი მხარეა, მაგრამ უარყოფითი ისაა, რომ ის უმეტესობა მათგანს აფუჭებს. თუმცა ორივე იმ შეხვედრაში, რომლებშიც ტორესმა ბევრი შანსი გაანიავა, მან მნიშვნელოვანი გოლი გაიტანა - "ნაპოლისთან" და "ელჩესთან".
ცოტა ხნის წინ "ბარსელონამ" გაავრცელა ვიდეო, სადაც "ელჩესთან" მოგების შემდეგ "ბარსელონას" ფეხბურთელების გასახდელში შესვლა და ერთმანეთისთვის მილოცვაა ასახული. კადრში ჩანს, რომ პრეზიდენტი ჟოან ლაპორტა ფერან ტორესს ეხუტება და ეუბნება "ფერან, შენ თამაში შეცვალე!"
მართლაც ასეა - გუშინდელი თამაშის დროს ფერან ტორესი გატანილი გოლის გარდა ბევრს აქტიურობდა, რისი წყალობითაც "ბლაუგრანამ" პირველ ტაიმში წაგებული თამაშის შემობრუნება მოახერხა.
ამ სიახლეზე კომენტარები გათიშულია.
კომენტარები [ 9 ]