ესპანიოლი ლა ლიგაში დაბრუნდა

მომავალი სეზონიდან ბარსელონურ დერბის ლა ლიგაში ისევ ვიხილავთ.

"სარაგოსასთან" ნათამაშები უგოლო ფრისა და მოპოვებული ქულის შემდეგ "ესპანიოლმა" ლა ლიგის საგზური გაინაღდა.

ლა ლიგა 2-ის სეზონის დასრულებამდე 4 ტურით ადრე პირველ ადგილზე მყოფი კატალონიური გუნდი მესამეზე მყოფ "ალმერიას" უკვე 12 ქულით უსწრებს, შესაბამისად, ესპანიოლს მიზნად მხოლოდ გათამაშების პირველ ადგილზე დასრულებაღა დარჩენია. სხვა მხრივ, ეს გუნდი ესპანურ ელიტაში უკვე დაბრუნებულია. როგორც ჩანს, მათთვის ლა ლიგაში დაბრუნება არც თუ ისე რთული აღმოჩნდა და მხოლოდ 1-წლიანი პაუზაც იკმარეს.

ისტორიაში "ბარსასა" და "ესპანიოლს" ერთმანეთის წინააღმდეგ სულ 212 მატჩი აქვთ გამართული. აქედან 124-ში ლურჯ-ბროწეულისფერებმა იმარჯვეს, 44-ში ლურჯ-თეთრებმა, ამდენივე შეხვედრა კი საყაიმო ანგარიშით დასრულდა.