Football Leaks: ლიონელ მესის წლიური ხელფასი 104 მილიონი ევროა

ორგანიზაცაია Football Leaks-მა ლიონელ მესისა და "ბარსელონას" შორის არსებული კონტრაქტი შეისწავლა და დაადგინა, რომ არგენტინელი ვარსკვლავის წლიური ანაზღაურება, გადასახადების ჩათვლთ, 104 მილიონი ევროა.

რა თქმა უნდა, თანხას სრულად მესი არ იღებს. ამ თანხის დიდი ნაწილი გადასახადებში მიდის. ესპანეთის ბიუჯეტში გადასახადების გადახდის შემდეგ, მესი 50 მილიონზე ცოტათი ნაკლებს ღებულობს. შედარებისთვის, ნეიმარი წელიწადში 36.8 მილიონ ევროს იღებს.

ლეო მესის ფიქსირებული ხელფასი 71 მილიონი ევროა. კონტრაქტში ასევე გათვალისწინებულია ხელშეკრულების გაფორმების ბონუსი 63.5 მილიონი ევრო და ლოიალურობის ბონუსი 70 მილიონი ევრო იმ შემთხვევისთვის, თუ არგენტინელი კლუბში კონტრაქტის ამოწურვამდე დარჩება. საერთო ჯამში კი გამოდის, რომ "ბარსელონას", მესის ხელფასი, წელიწადში, 104 მილიონი ევრო უჯდება.