მომავალ კვირას ჩავის კონტრაქტზე მოლაპარაკებები დაიწყება

"ბარსელონას" სპორტული დირექტორი, ანდონი სუბისარეტა მომავალ კვირას კატალონიური კლუბის ვიცე–კაპიტნის, ჩავი ერნანდესის აგენტს შეხვდება და კონტრაქტის გახანგრძლივებაზე დაიწყებენ მუშაობს, იტყობინება "Mundo Deportivo".

შეგახსენებთ, რომ სექტემბერში ჩავის აგენტმა, ივან კორეტხამ განაცხადა, რომ კლუბის ხელმძღვანელები მზად არიან გუნდის ერთ–ერთ ლიდერთან გრძელვადიანი ხელშეკრულება გააფორმონ. მიმდინარე კონტრაქტი ჩავის "ბარსელონასთან" 2014 წლის 30 ივნისამდე აქვს გაფორმებული.