შევადგინოთ ყველა დროის სიმბოლური - საუკეთესო მეკარე

   რადგან ასეთი ინტერესი გამოიწვია მეკარეების თემამ. მოდი, "ბარსელონას" ყველა დროის სიმბოლური გუნდი შევადგინოთ. სხვა გამოცემების მიერ გამოქვეყნებული კი გვინახავს, მაგრამ, აბა, ვინ იცის ჩვენზე მეტი? როგორ განსჯიან ჩვენზე უკეთე?! რა თქმა უნდა, მეკარეებით უნდა დავიწყოთ.

დაწერეთ კომენტარებში სასურველი კანდიდატი. ხმის მიცემა გაგრძელდება 24 საათის განმავლობაში. 

ვიქტორ ვალდესი (2002–2014) ყველაზე ტიტულოვანი მეკარე ბარსელონაში

ტიტულები:
✔️ 6x ლა ლიგა
✔️ 3x ჩემპიონთა ლიგა (2006, 2009, 2011)
✔️ 2x კოპა დელ რეი
✔️ 2x უეფას სუპერ თასი 
✔️ 2x ფიფას საკლუბო ჩემპიონატი 
✔️ 6x ესპანეთის სუპერ თასი 
✔️ მსოფლიო ჩემპიონი (სათადარიგო) 
✔️ ევროპის ჩემპიონი (სათადარიგო) 

სტატისტიკა/რეკორდები:
• ბარსელონას ისტორიაში ყველაზე მეტი მატჩი მეკარის პოზიციაზე - 535 თამაში
• 5 ზამორას ტიტული

ვალდესის უპირატესობა მისი ხასიათი იყო. კონკურენტუნარიანი და თამაშში მაქსიმალურად ჩართული. ჰქონდა ძალიან კარგი რეაქცია და კარგად თამაშობდა ფეხით. პარიზში მოგებული ფინალის ერთ-ერთი გმირი. (ანრის ორჯერ აჯობა ერთი-ერთზე). მთავარი მინუსი შეცდომები იყო, ხშირად მის შეცდომებს მოჰყვებოდა ხოლმე გოლები, თანაც, უმნიშვნელოვანეს შეხვედრებში. 

მარკ-ანდრე ტერ შტეგენი (2014-დღემდე) კაპიტანი

ტიტულები:
✔️ 6x ლა ლიგა     
✔️ 6x კოპა დელ რეი   
✔️ 2x ესპანეთის სუპერ თასი
✔️ 1x ჩემპიონთა ლიგა 
✔️ 1x უეფას სუპერ თასი 
✔️ 1x ფიფას საკლუბო ჩემპიონატი 

სტატისტიკა:
• ვალდესის შემდეგ ყველაზე მეტი მატჩი ბარსელონას შემადგენლობაში - 423
• 2022-23 სეზონში მოიგო ზამორას ტიტული და გახდა სეზონის საუკეთესო ფეხბურთელი.

ტერ შტეგენს ვალდესზე გაცილებით დიდი პოტენციალი ჰქონდა, მოლოდინიც დიდი იყო, თუმცა, იმედები ბოლომდე ვერ გაამართლა. იყო სეზონები სადაც საუკეთესოდ წარმოაჩინა თავი, მაგრამ სტაბილურობა აკლდა. ვერც გერმანიის ნომერ პირველ მეკარედ იქცა, არადა, მოსვლის დღიდან იყო მოლოდინი, რომ ნოიერს თუ ვერ აჯობებდა, გაუთანაბრდებოდა მაინც. მცდარი მოლოდინი გამოდგა. 

ანდონი სუბისარეტა (1986–1994) ოცნების გუნდის მეკარე 

ტიტულები:
✔️ 4x ლა ლიგა 
✔️ 2x კოპა დელ რეი
✔️ 2x ესპანეთის სუპერ თასი 
✔️ 1x ჩემპიონთა ლიგა 
✔️ 1x უეფას სუპერ თასი 
✔️ 1x თასების მფლობელთა თასი 

სტატისტიკა:
• 410 მატჩი "ბარსელონას" შემადგენლობაში 
• 1987 წლის სეზონში მოიგო ზამორას ტიტული და ამავე დროს გახდა სეზონის საუკეთესი ფეხბურთელი

სუბისარეტა "დრიმ თიმის" შეუცვლელი ფიგურა იყო. კრუიფისგან დიდი ნდობა ჰქონდა. გამოირჩეოდა სიმშვიდით და თამაშის კარნახით. სიმშვიდეს იშვიათად კარგავდა, მაგრამ თუ კარგავდა მტრისას.

ანტონი რამალეტსი (1946–1962) - ოქროს თაობის ლეგენდა 

ტიტულები:
✔️ 5x ლა ლიგა 
✔️ 5x კოპა დელ რეი 
✔️ 2x ინტერ-სიტის თასი 
✔️ 1x ევა დუარტეს თასი 

სტატისტიკა:
• 5-ჯერ მოიგო ზამორას ტიტული. ძალიან დიდი ხნის განმავლობაში ფლობდა ამ რეკორდს, სანამ ვიქტორ ვალდესი არ წამოეწია. მომდევნო წლებში კი ობლაკმა შეძლო დაწევა და გადასწრება.

თავის დროზე პროგრესულ მეკარედ ითვლებოდა, ფეხით თამაშობდა ხშირად, რაც იმ დროს დიდად მოსაწონი არ იყო, მერე კი მიხვდნენ, რომ მეკარესაც შეუძლია ასე თამაშო. ოქროს თაობის ღირსეული წევრი იყო, მაგრამ ლოგიკურ წერტილამდე ვერ მივიდა - წააგეს ჩემპიონთა თასის ფინალი ბერნში. იქ გაშვებულ გოლზე რამალეტსი სიცოცხლის ბოლომდე ამბობდა, რომ გოლი არ ყოფილა, ბურთს კარის ხაზი არ გადაუკვეთავსო. ბარსამ "ბენფიკასთან" 2:3 წააგო. არ ჰქონია ვალდესივით მაგარი ფინალი. 

რიკარდო ზამორა (1919-22) - თავად ტიტული 

ტიტულები:
✔️ 2x ესპანეთის თასი 

სტატისტიკა:
• ზამორას არ სჭირდებოდა ზამორას მოგება, რადგან თავად იყო ზამორა. 

რატომ არ ახსენებენ ხშირად "ბარსელონასთან" მიმართებით? იმიტომ, რომ მისი სახელი უფრო "მადრიდს" უკავშრდება. ბარსადან "რეალში" გადავიდა. გენერალთან ყოველთვის მეგობრბდა. სამოქალაქო ომის დროს ბარსელონელებს დატყვევებულიც ჰყავდათ და მის გამოსახსნელად საერთაშორისო ორგანიზაციებიც ჩაერთნენ. მისი საუკეთესო მატჩი ესპანეთის თასის ფინალში შედგა - "მადრიდმა" ბარსა დაამარცხა, ზამორა კი საუკეთესო იყო. ამ მატჩიდან მალევე, ომიც დაიწყო.

📍 სახსენებელი ხალხი: 

ბრავო (2014-16) 

სადურნი (1961-75)

ხოსე-მანუელ პესუდო (1961-66) 

მიგელ რეინა (1966-1973)

ხავიერ ურუტიკოეჩეა (1981-1988)

📊 შეჯამება: