Marca კლემან ლანგლეს დაბრუნების თარიღს ასახელებს

კლემან ლანგლემ საფრანგეთის ნაკრებში თამაშის დროს დისკომფორტი იგრძნო და ერნესტო ვალვერდემ ჩათვალა, რომ უკეთესი იქნებოდა, ის "ლეგანესთან" მატჩის განაცხადში არ შეეყვანა. 

რადგან ჟერარ პიკე დისკვალიფიცირებულია, ცენტრალურ დაცვას, სავარაუდოდ, სამუელ უმტიტის და ჟან-კლერ ტოდიბოს წყვილი დაიკავებს. 

მადრიდული Marca-ს ინფორმაციით, ლანგლე დაბრუნებას დორტმუნდის "ბორუსიასთან" მატჩში შეძლებს. შეხვედრა, რომელიც თბილისის დროით 28 ნოემბერს, 00:00 საათზე დაიწყება, დიდი ალბათობით, ჩემპიონთა ლიგის F ჯგუფის პირველადგილოსნის ვინაობას გაარკვევს.