ინფორმაცია Penya Blaugrana Tbilisi-ს წევრებისთვის

"ბარსელონას" ოფიციალური ფანკლუბის (Penya Blaugrana Tbilisi) 2020 წლის საწევრო ბარათები ჩამოსულია, თუმცა, კორონავირუსის პანდემიის გამო, მათი დარიგება, ჯერჯერობით, ვერ ხერხდება.

იმის გათვალისწინებით, რომ 2020 წლის წევრობა ფაქტობრივად გამოუსადეგარი გახდა (ბარათების გაცემა გვიანდება; "ბარსელონას" თამაშებზე მასობრივი შეკრებები, 2020 წელს, გამორიცხულია; პრობლემური იქნება როგორც ბარსელონაში გამგზავრება და ბარათით ადგილზე ბენეფიტების მიღება, ასევე "კამპ ნოუზე" თამაშის ყურება), მივიღეთ გადაწყვეტილება, რომ 2020 წლის წევრებს, 2021 წლისთვის, წევრობა გაუხანგრძლივდეთ ავტომატურად, უფასოდ.