ბარსელონა-კოპენჰაგენი - ჰანსი ფლიკის მატჩისწინა პრესკონფერენცია

თავდაჯერებულები ვართ, მაგრამ "კოპენჰაგენს" პატივს ვცემთ, რადგან მოგება მათაც სჭირდებათ. ჩვენი მიზანი 8 საუკეთესო გუნდში მოხვედრაა. ჩვენი საქმე ესაა. დიდი შანსია, რომ პირველ 8 გუნდში მოვხვდეთ და ამისთვის ყველაფერს გავაკეთებთ. ეს ახალი ფორმატი მომწონს.

საკუთარ თავზე ვართ ფოკუსირებულები და იმ ყველაფერზე, რაც ჩვენს ხელშია. უმეღლეს დონეზე უნდა ვითამაშოთ და მეტოქეს პატივი ვცეთ.

ჩემი საფეხბურთო ფილოსოფია? უმაღლეს დონეზე თამაში და მოგება. ეს ჩვენი ფილოსოფიაა. ეს ჩემპიონთა ლიგაა და უმაღლესი დონე უნდა ვაჩვენოთ. გვჯერა ჩვენი სტილის, ფეხბურთის ასე თამაშის და მინდა, სწორედ ეს ვნახო.

დანაკლისი ნახევარდაცვაში? ვფიქრობ, წარსულშიც ვაჩვენეთ, რომ ასეთ სიტუაციებთან გამკლავება შეგვიძლია და სათადარიგო სკამზეც კარგი მოთამაშეები გვყავს. ასე ხდება. სასტარტო შემადგენლობაში 11 ფეხბურთელია, კიდევ 5-მა კი, შესაძლოა, შეცვლაზე ითამაშოს. მნიშვნელოვანია, მათ აჩვენონ, რომ ამ დონეზე თამაში შეუძლიათ. ყოველთვის გუნდურად ვმოქმედებთ.

ფერანმა გუნდთან ერთად ივარჯიშა და ის ხვალინდელი შეხვედრისთვის მზადაა.

ფერმინი? მისი მოგზაურობა "ლა მასიადან" პირველ გუნდამდე იდეალურია. ვფიქრობ, ის აქ გატარებული ყოველი დღით ტკბება. ფერმინი ჩვენთვის სხვადასხვა პოზიციაზე ძალიან მნიშვნელოვანი ფეხბურთელია. ასევე მისი მენტალიტეტი და მოქმედებები თითოეულ თამაშში ბრწყინვალეა. ის კარგად მოქმედებს ბურთის გარეშეც, კარის წინაც. ძალიან ბედნიერი ვარ, რომ ფერმინი გუნდში მყავს.

ბარდჯი? მან რამდენიმე ძალიან კარგი მატჩი ჩაატარა. ვფიქრობ, ამ ეტაპზე რუნისთვის ყველაფერი იოლი არაა, რადგან ამ პოზიციაზე ყოველთვის იამალს ადარებენ, მაგრამ, რასაც ვარჯიშებზე და ასევე მატჩებში ვხედავ, მან ბევრად მოუმატა. ბარდჯი პროფესიონალია და ფოკუსირებულია იმაზე, რომ დღითი დღე უკეთესი გახდეს. მისგან სწორედ ამის დანახვა მინდა.