ჟოან ლაპორტა: მადლობა ლა ლიგას ამ შესაძლებლობისთვის
"ბარსელონას" პრეზიდენტმა ჟოან ლაპორტამ "ვილიარეალთან" დაპირისპირების აშშ-ში გადატანასთან დაკავშირებით კომენტარი გააკეთა.
გუშინ ოფიციალურად ცნობილი გახდა, რომ ესპანეთის ჩემპიონატის მე-17 ტურის "ვილიარეალისა" და "ბარსელონას" შეხვედრა მაიამიში გაიმართება.
მოუთმენლად ველით ამერიკის შეერთებულ შტატებში გულშემატკივრებთან მორიგ შეხვედრას. მადლობა ლა ლიგას იმისათვის, რომ მოგვცა შესაძლებლობა, ვესტუმროთ კლუბის ერთ-ერთ საკვანძო სტრატეგიულ ბაზარს. ამ ქვეყანას მრავალი წელია ვსტუმრობთ და ყოველთვის ვგრძნობდით ვნებას, რომელსაც "ბარსელონა" შთააგონებს.
როგორც გლობალური კლუბი, რომელსაც მსოფლიოში მილიონობით გულშემატკივარი ჰყავს, ეს შესაძლებლობა კიდევ ერთხელ ხაზს უსვამს ჩვენს ერთგულებას ფანების მიმართ, განსაკუთრებით ისეთ მნიშვნელოვან ბაზარზე, როგორიც აშშ არის. ოფიციალური მატჩი მაიამის მსგავს ქალაქში, სადაც "ბარსას" უდიდესი საზოგადოებაა, უდავოდ, შესანიშნავი სანახაობა იქნება ორი უმაღლესი დონის გუნდის მონაწილეობით.
- ციტირებს ლაპორტას სიტყვებს "ბლაუგრანას" ოფიციალური ვებგვერდი.
ამ სიახლეზე კომენტარები გათიშულია.
კომენტარები [ 9 ]