ბარსელონა Spotify-სთან მოლაპარაკებებს იწყებს

"ბარსელონამ" კლუბის მთავარ სპონსორთან, Spotify-სთან კონტრაქტის გახანგრძლივებაზე მოლაპარაკებები დაიწყო.

Cadena SER-ის ინფორმაციით, ორივე მხარე თანამშრომლობით კმაყოფილია და სასპონსორო ხელშეკრულების კიდევ 4 წლით, 2030 წლამდე გახანგრძლივებას იმედოვნებს.

წყაროს ცნობებით, ახალი კონტრაქტის მიხედვით შვედური სტრიმინგსერვისის კომპანია "ბარსას" მხოლოდ სათამაშო მაისურის სპონსორობისთვის წლიურად 65 მილიონ ევროს გადაუხდის.

კატალონიური კლუბი და Spotify უკვე 2022 წლიდან თანამშრომლობენ.