ლა ლიგამ ბარსელონას წინააღმდეგ ელჩეს საჩივარი არ დააკმაყოფილა

Mundo Deportivo-ს ინფორმაციით, ლა ლიგის კომიტეტმა "ბარსელონასა" და "ელჩეს" შორის პირველ აპრილს გამართულ შეხვედრაში გავის მონაწილეობასთან დაკავშირებით "ელჩეს" საჩივარი არ დააკმაყოფილა.

ესპანური კლუბი აცხადებდა, რომ გავის აღნიშნულ შეხვედრაში თამაში არ შეეძლო, რადგან რამდენიმე დღით ადრე ლა ლიგამ ფეხბურთელის პირველ გუნდში რეგისტრაცია გააუქმა, ესპანეთის ფეხბურთის ფედერაციის წესდების მიხედვით კი მოთამაშეს, რომლის რეგისტრაციაც ერთხელ გაუქმდა, იმავე სეზონში იმავე გუნდში თამაშის უფლება არ აქვს.

MD-ს ცნობით, ლა ლიგამ აღნიშნულ შეხვედრაში გავის თამაში დაუშვებლად არ სცნო. როგროც ადრია ალბეტსი იტყობინება, "ელჩემ" საჩივარი მხოლოდ მედიაში გავრცელებული ინფორმაციის საფუძველზე შეიტანა.