ოფიციალურად: რაფა მარკესი ბარსა ატლეტიკის მთავარი მწვრთნელია
ცოტა ხნის წინ "ბარსელონამ" დაადასტურა, რომ სარეზერვო გუნდს რაფა მარკესი ჩაიბარებს.
მექსიკელმა ლეგენდამ კლუბთან კონტრაქტი 2024 წლამდე გააფორმა და "ბარსა ატლეტიკის" მთავარი მწვრთნელის პოსტზე სერჟი ბარჟუანი შეცვალა.
მარკესი სარეზერვო გუნდის ისტორიაში პირველი არაესპანელი მწვრთნელია. 43 წლის სპეციალისტი "ბარსა ატლეტიკის" რიგით მე-20 თავკაცი იქნება.
რაფა მუშაობას ხვალ დაიწყებს, ზეგ კი პირველ სავარჯიშო სესიას ჩაატარებს.
❗ ¡@RafaMarquezMX es el nuevo entrenador del Barça Atlètic!
— Barça Atlètic (@FCBarcelonaB) July 14, 2022
✍ Firma por dos temporadas, hasta 2024
🔗 https://t.co/81qsM1WmqX
🤩 ¡Bienvenido de nuevo, Rafa!#ForçaBarça 💙❤ pic.twitter.com/E7mwVVxRXz
ლეგენდარული ფეხბურთელი "ლურჯ-ბროწეულისფერთა" რიგებში 2003-10 წლებში თამაშობდა. იგი კატალონიურმა კლუბმა "მონაკოდან" შეიძინა და პირველი მექსიკელი გახდა, რომელმაც "ბარსას" მაისური მოირგო.
80 000 ქომაგის თვალწინ, "სევილიას" წინააღმდეგ სახლში ჩატარებული სადებიუტო მატჩის შემდეგ, მარკესი ფრანკ რაიკაარდის გუნდის დაცვის ხაზის უცვლელი წევრი გახდა.
მექსიკელმა ადაპტაცია სწრაფად გაიარა და ედმილსონისა და ტიაგო მოტას ტრავმების გამო, საყრდენ ნახევარმცველად თამაშიც უწევდა. რაფამ ამ მოვალეობას თავი კარგად გაართვა, მიუხედავად იმისა, რომ ის ცნობილი კარლეს პუიოლთან შესანიშნავი ტანდემით იყო.
მომდევნო სეზონებში მარკესი ტრავმებმა შეაწუხა, მაგრამ პეპ გვარდიოლას ხელშიც სასტარტო შემადგენლობის წევრი იყო. მექსიკელმა გუნდთან ერთად 2009-10 წლების სეზონში 6 ტიტული მოიპოვა და მისი "ბარსელონური" კარიერაც დასასრულს მიუახლოვდა. ლურჯ-ბროწეულისფერი მაიუსრით რაფას ანგარიშზე 242 მატჩი, 13 გოლი და 12 ასისტია.
ამ სიახლეზე კომენტარები გათიშულია.
კომენტარები [ 11 ]