ბარსელონა ლანგლეს 2-წლიანი იჯარით უშვებს
ამ ზაფხულში კლემან ლანგლეს "ბარსელონადან" წასვლა თითქმის გადაწყვეტილია.
კატალონიის რადიოს ინფორმაციით, "ბარსა" ფრანგი ფეხბურთელის ლონდონის "ტოტენჰემში" 2-წლიანი იჯარით გაშვებაზე მუშაობს.
ლანგლეს გასხვისების ერთადერთი გზა სწორედ განათხოვრებაა, რადგან იგი წლიურად 10 მილიონ ევროს გამოიმუშავებს, რაც ფრანგის გაყიდვას ფაქტობრივად წარმოუდგენელს ხდის.
"სპურსის" გარდა, კლემანის მიმართ ინტერესს "ნიუკასლი", "ევერტონი" და "არსენალი" გამოხატავენ.
ადრე გავრცელებული ცნობებით, 26 წლის მოთამაშის "ბლაუგრანაში" დარჩენა მხოლოდ ის შემთხვევაში იქნება შესაძლებელი, თუ კლუბი ცენტრალურ მცველს (ანდრეას კრისტენსენის გარდა) ვერ გაიფორმებს, თუმცა, ის ჩავი ერნანდესის გეგმებში არ შედის.
როგორც Sport იტყობინება, იჯარა 1-სეზონიანი იქნება, რომელიც, გარკვეული პირობების შემთხვევაში, კიდევ 1 წლით გახანგრძლივდება. წესების მიხედვით, 30 ივლისის შემდეგ დაუშვებელია, იჯარის ხანგრძლივობა 1 წელზე მეტხნიანი იყოს. ლანგლე მზადაა, კლუბი შეიცვალოს.
ამ სიახლეზე კომენტარები გათიშულია.
კომენტარები [ 12 ]