ანსუ ფატი რეალთან და სევილიასთან არ ითამაშებს

AS-ის ინფორმაციით, მადრიდში ანსუ ფატის გამოჯანმრთელების პროცესი კარგად მიმდინარეობს - ის სანდო ფიზიკურ მწვრთნელთან ვარჯიშობს. 

მიუხედავად ამისა, "ბარსელონა" ახალგაზრდა ფეხბურთელის დაჩქარებას არ აპირებს - ის არა "რეალის" (20 მარტს) ან "სევილიას" (3 აპრილს) წინააღმდეგ, არამედ რომელიმე უფრო ნაკლები მნიშვნელობის მატჩში დაბრუნდება.

ფატიმ ბოლოს კოპა დელ რეიზე, "ბილბაოსთან" (2-3) ითამაშა, რის შემდეგაც 3 შეხვედრა ("ალავესი", "ატლეტიკო", "ესპანიოლი") გამოტოვა. 19 წლის შემტევს დაზიანება ბარძაყის მიდამოში აქვს.