ბარსელონა დემბელეს 20 მილიონად გაყიდვას აპირებს

უდიდესი ალბათობით, უსმან დემბელეს ლურჯ-ბროწეულისფერი მაისურით ვეღარ ვიხილავთ - მხარეები ახალ კონტრაქტზე ვერ თანხმდებიან, რის გამოც ფეხბურთელი გუნდს მალე დატოვებს. 

Le Parisien-ის ინფორმაციით, "ბარსას" იანვარში ფრანგი შემტევის 20 მილიონ ევროდ გასხვისება სურს. ახალგაზრდა მოთამაშის შეძენით "მანჩესტერ იუნაიტედი" და, განსაკუთრებით, "ნიუკასლი" ინტერესდებიან.

ცნობისთვის, როგორც SPORT1 იტყობინება, იმ შემთხვევაში, თუ დემბელე "ბლაუგრანას" მიმდინარე სატრანსფერო ფანჯარაზე დატოვებს, კატალონიელებს მისი ყოფილი კლუბისთვის, დორტმუნდის "ბორუსიასთვის" 5 მილიონის გადახდა მოუწევთ. 

ანაის მარტის თქმით, "ბარსელონა", დაძაბულობის მიუხედავად, უსმანს კიდევ ერთხელ დაელაპარაკება და მისი დაბრუნების/არდაბრუნების საკითხს თავად კლუბი გადაწყვეტს, რასაც ჩავი ერნანდესი დაეთანხმება.