მემფის დეპაიმ სესკ ფაბრეგასისა და ალექსის სანჩესის შედეგი გაიმეორა
"ბილბაოსთან" ცოტა ხნის წინ დასრულებულ შეხვედრაში "ბარსელონამ" ქულის გადარჩენა მემფის დეპაის ბრწყინვალე გოლის წყალობით მოახერხა.
აღსანიშნავია, რომ ნიდერლანდელმა შემტევმა წინა მატჩში, "რეალ სოსიედადის" წინააღმდეგ ასისტიც მიითვალა - OptaJose-ს მიხედვით, სესკ ფაბრეგასისა და ალექსის სანჩესის შემდეგ, მემფისი "ბარსას" პირველი ფეხბურთელია, რომელმაც ლა ლიგაში ჩატარებულ პირველ ორ შეხვედრაში გოლში უშუალო მონაწილეობა მიიღო.
რაც შეეხებათ ფაბრეგასსა და სანჩესს, მათ პრიმერა დივიზიონში, მათთვის სადებიუტო პირველ ორ დაპირისპირებაში საკუთარ აქტივში გოლი ან ასისტი 2011 წლის სექტემბერში ჩაიწერეს - სესკმა 2 გოლის გატანა და 1 საგოლე გადაცემის გაკეთება მოახერხა, ალექსისის მონაგარი კი 1 გოლი და ამდენივე შედეგიანი პასი იყო.
"ბლაუგრანა" მომდევნო მატჩს 29 აგვისტოს, "ხეტაფეს" წინააღმდეგ გამართავს, სადაც დეპაის შანსი ექნება, საკუთარი შედეგი გააუმჯობესოს.
ამ სიახლეზე კომენტარები გათიშულია.
კომენტარები [ 5 ]