ფრენკი დე იონგმა მცირე დატვირთვით ივარჯიშა

"ბარსელონას" ნიდერლანდელმა ნახევარმცველმა ფრენკი დე იონგმა პრესეზონის ბოლოსწინა შეხვედრაში, "ზალცბურგთან" ტრავმა მიიღო და მოსალოდნელი იყო, რომ გუნდს 3 კვირით ვერ დაეხმარებოდა.

MD-ის ცნობით, ავსტრიულ კლუბთან ნაგემი მარცხის შემდეგ დე იონგმა სარეაბილიტაციო პროცესი უმალ წარმატებით დაიწყო და დღეს სამედიცინო პერსონალის მეთვალყურეობის ქვეშ მცირე ფიზიკური დატვირთვაც მიიღო.

მოსალოდნელია, რომ ის ლა ლიგის პირველი ტურის შეხვედრაში "რეალ სოსიედადის" წინააღმდეგ მონაწილეობას მაინც მიიღებს. მძიმე საკადრო პრობლემებისა და ვერდარეგისტრირებული ფეხბურთელების ფონზე დე იონგის თამაში კატალონიელთათვის საკვანძო მნიშვნელობის იქნება.

პირველი ტურის შეხვედრას "ბარსა" "კამპ ნოუზე" კვირას, 22:00-ზე გამართავს.