პირველი გასვლითი გამარჯვების მოლოდინში

სეზონის დაწყებიდან, 2 თვეზე მეტი გავიდა, მაგრამ “ბარსელონას” მეტოქის მოედანზე გამარჯვება კვლავ არ აქვს მოპოვებული.

2021/22 წლების სეზონში “ბარსას” “კამპ ნოუზე” რვა მატჩი აქვს ჩატარებული, სტუმრად კი – ოთხი. ამ ოთხი თამაშიდან კატალონიელებმა ორი წააგეს, ორი კი ფრედ დასრულდა, ბურთების შეფარდება 1-6. ერთადერთი გოლი, რომელიც მემფის დეპაის ანგარიშზე, “ბილბაოსთან” შეხვედრაში გავიდა. მას მოჰყვა უგოლო ფრე “კადისთან”, და ორი ზედიზედ ძალიან მძიმე მარცხი, ჯერ “ბენფიკასთან” 0-3, შემდეგ კი “ატლეტიკოსთან” 0-2.

სეზონის პირველი 4 საგარეო მატჩი მოუგებლად “ბარსას” 1998/99 წლების სეზონის შემდეგ არ ჩაუტარებია. მაშინ, “ბარსელონას” ლუი ვან გაალი წვრთნიდა, რონალდ კუმანი კი მისი ასისტენტი გახლდათ.

დღეს, “ბარსელონა” “ვალიეკასზე” “რაიო ვალიეკანოს” დაუპირისპირდება.