ფერან ტორესი: ბარსელონამ უნდა დაამტკიცოს, რომ ჩემი შენარჩუნება სურს

ფერან ტორესი შეერთებულ შტატებში ტურნეს განაგრძობს და თავისი მომავლის შესახებ საუბრობს. 26 წლის ესპანელმა “ბარსელონას” მკაფიო გზავნილი გაუგზავნა. ამერიკულ სპორტულ გამოცემა Sportico-სთან ინტერვიუში, ვალენსიელმა თავდამსხმელმა განაცხადა, რომ შესაძლო განახლებაზე ნებისმიერი საუბარი დამოკიდებული იქნება იმ ინტერესზე, რასაც კატალონიური კლუბი მის მიმართ გამოხატავს.

“ბარსელონამ” უნდა დაამტკიცოს, რომ ჩემი შენარჩუნება სურს. მათ შეუძლიათ მოვიდნენ მოსალაპარაკებლად და საბოლოოდ ყველაფერზე ვისაუბრებთ.”

განაცხადა ფერანმა, რომელსაც კლუბთან მოქმედი კონტრაქტი აკავშირებს და საკუთარ სიტუაციასთან დაკავშირებით სიმშვიდეს ინარჩუნებს.

ინტერესი სხვა კლუბებიდან

თავდამსხმელს სხვა ევროპული გრანდების, მათ შორის “პარი სენ-ჟერმენის” ინტერესზეც ჰკითხეს. მან აღიარა, რომ მსგავსი ჭორები ფეხბურთელისთვის ყოველთვის დადებითია.

“ყოველთვის, როცა ასეთ გუნდებს შენი დამატება სურთ, კარგია.”

პრიორიტეტი კვლავ “ბარსელონაა”

მიუხედავად ამისა, ფერანმა ხაზგასმით აღნიშნა, რომ მისი მთავარი პრიორიტეტი კვლავ “ბარსელონაა” და შეახსენა ყველას, რომ მოქმედი ხელშეკრულება მას მომავლის მშვიდად დაგეგმვის საშუალებას აძლევს.

“მე ‘ბარსელონასთან’ კონტრაქტი მაკავშირებს. მართალია, ფეხბურთში არასდროს იცი რა შეიძლება მოხდეს, მაგრამ ამის კარგი მხარე ის არის, რომ რადგან კონტრაქტი მაქვს, შემიძლია დავიცადო და გადაწყვეტილება თავად მივიღო.”