"ბარსელონას" ფორმების ისტორია

“ბარსელონას” ფორმის პირველი ფოტოსურათი 1900 წლით თარიღდება. ამ დროს მუქ ლურჯად და ბროწეულისფრად შუაზე გაყოფილ ფორმას უკვე ვხედავთ. ის ფლანელის ქსოვილისგან იყო შეკერილი, რაც ფეხბურთის თამაშს არაკომფორტულს ხდიდა. იმდროინდელი რეკლამებიდან ირკვევა, რომ ფორმა Kneipp-ის ქარხანაში იკერებოდა, რომელიც Carrer del Call-ზე მდებარეობდა.

პირველ ფორმას ქალაქ ბარსელონას გერბი ჰქონდა, შორტები კი ქამრით იკვრებოდა.

1910 წლის 16 იანვარს “ბარსელონამ” ვერტიკალური ზოლებიანი ფორმა პირველად ჩაიცვა. ახალი ფორმა, ფლანელის მატერიასთან შედარებით, უფრო მსუბუქი ქსოვილისგან იყო შეკერილი. ამ ფორმით “ბარსელონამ” პირველად “კარერ ინდუსტრიას” მოედანზე, “ცენტრალის” წინააღმდეგ ითამაშა. იმავე წელს “ბარსელონამ” კლუბის ლოგოს შექმნაზე კონკურსი გამოაცხადა, რომელიც სანტიაგო ფემენიამ მოიგო. მას შემდეგ “ბარსელონა” ლოგოს კონცეფციას ინარჩუნებს, თუმცა დიზაინში მცირე ცვლილებები პერიოდულად შედის. თამაშის უფრო კომფორტულად ქცევის მიზნით, ახალი ფორმის შორტები დამოკლდა.

ვერტიკალური ზოლები გაფართოვდა და ფორმამ ის სახე მიიღო, რომელიც მისთვის მე-20 საუკუნის პირველ ნახევარში დამახასიათებელი იყო. ლურჯი ზოლი ცენტრში იყო მოთავსებული, რაც მომდევნო წლების ფორმებშიც შენარჩუნდა. ფორმას საყელოს შესაკრავი ჰქონდა, შორტები კი კვლავ თეთრი რჩებოდა.

“ბარსელონა” მაისურის დიზაინს ინარჩუნებს, მაგრამ შორტის ფერი იცვლება.

მაისური თასმებით აღარ იკვრება. ფორმაზე მომრგვალებული საყელო პირველად გამოჩნდა.

იმავე პერიოდში “ბარსელონა” თითქმის იდენტური დიზაინის ფორმით თამაშობდა. განსხვავებული მხოლოდ საყელო და სახელოების ფერი იყო.

ფრანკოს დიქტატორობის დროს “ბარსელონა” იძულებული გახდა, ლოგოზე კლუბის დასახელების აბრევიატურა შეეცვალა და ინგლისური FCB-ს (Football Club Barcelona) ნაცვლად ესპანური CFB (Club de Futbol Barcelona) დაეწერა. ასევე, კატალონიის დროშის 4 ვერტიკალური ხაზი ორით შეიცვალა. კომფორტულად სათამაშოდ შორტები დამოკლდა, ხოლო გეტრებზე მუქი ლურჯი და ბროწეულისფერი ფერები გაჩნდა.

1949 წელს “ბარსელონას” 50 წლის იუბილეს აღსანიშნავად ლოგოზე კვლავ კატალონიის დროშის 4 ზოლი გამოჩნდა. ფორმაში ღია ლურჯი იყო გამოყენებული, გეტრების დიზაინი კი იცვლებოდა მანამ, სანამ არჩევანი ლურჯ და წითელ ზოლებზე არ შეჩერდა.

1940-იან წლებში, როდესაც “ბარსელონა” მსგავსი ფორმის გუნდებს, მაგალითად “ლევანტესა” და “პონტევედრას” ეთამაშებოდა, კატალონიელები მოედანზე თეთრი მაისურებით გადიოდნენ.

თუ მცირე დეტალებს არ ჩავთვლით, “ბარსელონას” პირველი ფორმა ისეთივე რჩება, როგორიც კლუბს სამოქალაქო ომის შემდეგ ეცვა.

ბაზრობათა თასზე 1957-1958 წლებში თამაშის დროს “ბარსელონას” ფორმა თეთრი იყო და მასზე არა კლუბის, არამედ ქალაქის გერბი იყო გამოსახული, რადგან ტურნირი ქალაქებს შორის იმართებოდა და “ბარსელონა” კატალონიის დედაქალაქს წარმოადგენდა.

ბაზრობათა თასზე სათამაშოდ თეთრის გარდა “ბარსელონას” ფორმის ლურჯი ვერსიაც ჰქონდა. ამ ფორმის შემადგენელი ნაწილი ასევე თეთრი შორტები და მუქი გეტრები იყო.

1957 წლის 8 მაისს “ბარსელონა” “მანჩესტერ სიტისთან” ახალი ფორმით თამაშს აპირებდა – თეთრი მაისური ლურჯ-წითელი ჰორიზონტალური ზოლებით, ლურჯი შორტები და ლურჯ-წითელი გეტრები. თუმცა, თამაშის დაწყებამდე სტადიონზე შეკრებილმა გულშემატკივარმა პროტესტი მოედანზე შევარდნით გამოხატა. ისინი ტრადიციული ფორმით თამაშს ითხოვდნენ და გუნდი იძულებული გახდა, ეს მოთხოვნა დაეკმაყოფილებინა.

პირველი მოკლემკლავიანი მაისური. იგივე დიზაინით, ამოღებული საყელოთი.

ზამთარში სათამაშოდ “ბარსელონა” ძველ, გრძელმკლავიან მაისურსაც ინარჩუნებდა.

დიზაინი იმისთვის შეიქმნა, რომ შავ-თეთრ ტელევიზორში ყურების დროს გუნდების უკეთ გარჩევა ყოფილიყო შესაძლებელი.

ბაზრობათა თასზე გუნდი კვლავ ქალაქის გერბიანი მაისურით გამოდიოდა.

1974 წლის ბოლოს “ბარსელონას” ლოგოზე ინიციალები FCB დაბრუნდა. შეიცვალა საყელოს დიზაინი. შორტებზე მცირე ზომის ჯიბე გაჩნდა.

ზამთარში გუნდი კვლავ გრძელმკლავიანი მაისურით თამაშობდა, რომელსაც მომრგვალებული საყელო ჰქონდა.

1975/1976 წლების სეზონში “ბარსელონამ” ყვითელი ფორმით ისტორიაში პირველად ითამაშა. ფორმა, რომელსაც ლურჯი და წითელი დიაგონალური ზოლები ჰქონდა, რამდენიმე მატჩში გამოიყენეს.

ყვითელი ფორმის შემოღების მიუხედავად, “ბარსელონა” თეთრ ფორმასაც ინარჩუნებდა, რომელსაც 60-წლიანი ისტორია ჰქონდა. ამ დროისთვის თეთრ ფორმაზე კლუბის გერბი დაბრუნდა.

Meyba-ს დებიუტი ფორმის მატერიის ცვლილებით გამოირჩა. პირველ წლებში მაისურის დიზაინი არ შეცვლილა. დიდი ხნის შემდეგ პირველად შეიცვალა გეტრების დიზაინი.

თეთრ ფორმას გუნდი 1980-იანი წლების დასაწყისამდე იყენებდა. ამის შემდეგ Meyba-მ სხვა ფერების გამოყენება დაიწყო.

Meyba-მ საყელოს ახალი დიზაინი შეიმუშავა – ლურჯი და წითელი ზოლებით.

მაისურის სახელოებზე Meyba-ს საფირმო ზოლები გაჩნდა. ეს ზოლები შორტებზეც გაჩნდა, რომლებიც კვლავ ინარჩუნებდა მცირე ზომის ჯიბეს. ფორმაზე Meyba-ს ლოგო პირველად გაჩნდა.

4 წლის განმავლობაში, სანამ “ბარსელონამ” თასების მფლობელთა თასზე “მეცთან” 1-4 წააგებდა, გუნდის მეორე ფორმა ყვითელი იყო, ლურჯ-წითელი ვერტიკალური 2 ზოლით.

ერთ-ერთი ყველაზე მცირეხნიანი ფორმა, რომლის მაისურიც მთლიანად წითელი იყო, სახელოებზე ზოლებით. ამ ფორმამ ყვითელი მაისური ჩაანაცვლა.

80-იანი წლების მე-2 ნახევარში “ბარსელონა” ცისფერი ფორმითაც თამაშობდა, რომელსაც წითელი და ლურჯი 2 ვერტიკალური ზოლი ჰქონდა.

ლურჯი ფერის ტონალობა შეიცვალა, მაგრამ მხოლოდ მაისურსა და შორტზე. გეტრების დიზაინი უცვლელი დარჩა.

სრულად წითელი ფორმის შემდეგ, Meyba-მ ეს ფერი წარსულში ყვითელი და ცისფერი ფორმების დიზაინს შეუხამა.

ისტორიაში პირველად კლუბმა ნარინჯისფერი ფორმით ითამაშა. ამ ფერის იყო შორტებიც და გეტრებიც.

1990 წლის ივლისში “ბარსელონამ” იაპონიაში 2 თამაში ამ ფორმით ჩაატარა. კრუიფის მიერ გაწვრთნილ გუნდს მაისურზე JAL-ის (იაპონიის ავიახაზები) ლოგო ჰქონდა.

პირველად ისტორიაში “ბარსელონას” ფორმაზე მცირე ზომის თეთრი დეტალები გაჩნდა. ამ ფერის დეტალები მაისურის სახელოებსა და შორტის გვერდებზე გამოჩნდა. მთელ მაისურზე წარწერები “Barca” იყო დატანილი. მაისური ხუთის ნაცვლად 4 ზოლისგან შედგებოდა.

ისტორიაში პირველად “ბარსელონამ” მწვანე ფერის ფორმით ითამაშა, რომლის მაისურზეც წარწერები “Barca” იყო დატანილი.

ამ ფორმით “ბარსელონა” საერთაშორისო მატჩებს ატარებდა. განსხვავებული იყო სახელოებისა და შორტის გვერდების დიზაინი. ამ მაისურზე წარწერები “Barca” არ იყო დატანილი და ის ტრადიციული 5 ვერტიკალური ზოლისგან შედგებოდა.

წინა ვერსიაში გამოჩენილმა თეთრმა ელემენტებმა იკლო. მაისური კვლავ 5 ვერტიკალური ზოლისგან შედგებოდა.

ფორმა ერთმანეთისგან განსხვავებული ტონალობის მწვანე ელემენტებისგან, ასევე წითელი და ლურჯი დეტალებისგან შედგებოდა.

Kappa-ს მიერ შექმნილი ბოლო დიზაინი თეთრ ელემენტებს ინარჩუნებდა.

წინა წლების მსგავსი დიზაინი, მაგრამ დომინანტი ფერი ნარინჯისფერია.

საერთაშორისო თამაშებზე “ბარსელონა” არაერთგვაროვანი ზოლებისგან შემდგარი ფორმით თამაშობდა.

საერთაშორისო გასვლით მატჩებში გუნდი მსგავსი დიზაინით თამაშობდა, მაგრამ დომინანტი ფერი ნარინჯისფერი იყო.

თავის პირველივე დიზაინში Nike-მა სიახლე შემოიტანა – კლუბის ლოგო მაისურის ცენტრში იყო მოთავსებული. ეს კლუბის ისტორიაში პირველად მოხდა.

Nike-მა ნარინჯისფერი შეინარჩუნა, მაგრამ ზოლების მიმართულება, ასევე შორტისა და გეტრების დიზაინი შეცვალა.

მაისურის დიზაინი კლუბის 100 წლის იუბილეს მიეძღვნა. მაისური ორ, წითელ და ლურჯ ნაწილებად იყო გაყოფილი და ის “ბარსელონას” პირველ ფორმას წააგავდა. Nike-მა საყელოს დიზაინი შეცვალა და ეს დიზაინი რამდენიმე წლის განმავლობაში შეინარჩუნა.

ისტორიაში პირველად “ბარსელონამ” ნაცრისფერი ფორმით ითამაშა. მარტივი დიზაინის მაისური, რომელსაც გვერდებზე ლურჯი და წითელი ზოლები დაჰყვებოდა.

ამ სეზონში “ბარსელონამ” სახელოზე სპეციალური ლოგო შეინარჩუნა, რომელიც კლუბის 100 წლის იუბილეს ეძღვნებოდა.

მეორე ფორმა უცვლელი დარჩა.

ვერტიკალური ზოლების რაოდენობა გაიზარდა. სახელოები ერთმანეთისგან განსხვავებული ფერის იყო.

“ბარსელონას” ფორმაზე ოქროსფერი გამოჩნდა. მაისურის შუაში მსხვილი მუქი ლურჯი და წვრილი წითელი და ლურჯი ზოლები იყო განთავსებული.

თურქეთში “გალათასარაისთან” გამართულ მატჩში “ბარსელონამ” ლურჯი მაისურით, წითელი შორტითა და გეტრებით ითამაშა.

კლუბის ლოგო მაისურის მარცხენა მხარეს დაბრუნდა. ვერტიკალური ზოლები მართკუთხა აღარ იყო.

ფორმის ძირითადი ფერი მუქი ლურჯი იყო, რომელსაც დიაგონალური ლურჯი და წითელი ზოლები ჰქონდა.

დიზაინში სიახლე გამოჩნდა – მაისურის ქვედა ნაწილი მთლიანად წითელი იყო. შორტი Kappa-ს დროინდელ დიზაინს დაემსგავსა.

“ბარსელონას” ფორმაში ახალი ფერი გამოჩნდა, რომელსაც მაისურსა და გეტრებზე წითელი და ლურჯი ჰორიზონტალური ზოლები დაჰყვებოდა.

საყელოს დიზაინი მომრგვალებული გახდა.

ლურჯი ფერის ორი ტონალობის ნაზავი წვრილი წითელი ვერტიკალური ზოლით.

ისტორიაში პირველად ფორმაზე კატალონიის დროშა გამოჩნდა, ხოლო შორტების ფერად წითელი შეირჩა. მაისურის ზოლების რაოდენობა გაიზარდა.

ახალი ფერის ფორმა, რომლის გაყიდვებმაც სწრაფი ტემპით იმატა.

მაისურის წინა მხარეს UNICEF-ის ყვითელი ლოგო გაჩნდა.

ნარინჯისფერი დიზაინი სახელოებისა და შორტების ბოლოებში ლურჯი და წითელი წვრილი ზოლებით.

ლოგოს დიზაინი “სპოტიფაი კამპ ნოუს” 50 წლის იუბილეს მიეძღვნა.

გასვლით მატჩებში გუნდი ლურჯი ფერის განსხვავებული ტონალობის ვერტიკალური ზოლებით თამაშობდა.

Nike-მა 100 წლის იუბილესადმი მიძღვნილი ფორმის მსგავსი დიზაინი შექმნა, რომლის შიდა მხარესაც “ბარსელონას” ჰიმნის ტექსტი და წარწერა “Mes que un Club” (მეტი, ვიდრე კლუბი) გაჩნდა.

80-იანი წლების დიზაინის მსგავსი, მცირედი ცვლილებებით. ამ შემთხვევაში ლურჯი და წითელი ვერტიკალური ზოლები მაისურის მარცხენა მხარეს განთავსდა.

ვერტიკალური ზოლების რაოდენობა გაიზარდა როგორც მაისურზე, ასევე გეტრებზეც. საყელოსა და გეტრებზე ყვითელი ზოლი გაჩნდა.

“ბარსელონამ” ახალი ფერის შემოღება გადაწყვიტა.

2009 წელს გამპერის თასისთვის “ბარსელონამ” სპეციალური დიზაინი შექმნა, რომლის მხოლოდ 1899 ეგზემპლარი დაიბეჭდა. ლურჯი მაისური წითელი, ნარინჯისფერი და ცისფერი ვერტიკალური ზოლებით ცენტრში და საქველმოქმედო ორგანიზაცია MES-ის ლოგოთი.

ფორმის დიზაინში წითელი შორტი კიდევ ერთხელ გამოჩნდა. მაისურის საყელოს ყვითელი კანტი მიუყვებოდა.

“ბარსელონას” ფორმაზე მწვანე ფერი დაბრუნდა. მაისურს ერთი ჰორიზონტალური ლურჯ-წითელი ზოლი ჰქონდა.

UNICEF-ის ლოგო მაისურის უკანა მხარეს გადავიდა, წინა მხარეს კი Qatar Foundation-ის რეკლამა განთავსდა. ფორმაზე არაერთგვაროვანი ვერტიკალური ზოლები გამოჩნდა.

სრულად შავი ფორმა, რომელზეც წითელი და ლურჯი ელემენტები საერთოდ არ იყო.

ვერტიკალური ზოლები ლურჯიდან წითელში გარდამავალმა დიზაინმა შეცვალა.

ასევე გარდამავლობა ჰქონდა მეორე ფორმასაც, მაგრამ ფერებად ყვითელი და ნარინჯისფერი შეირჩა. გარდა ამისა, განსხვავებული იყო გარდამავლობის მიმართულებაც.

Qatar Foundation-ის რეკლამა Qatar Airways-მა ჩაანაცვლა. სახელოებსა და გეტრებზე არაერთგვაროვანი წითელი და ლურჯი ზოლები გამოჩნდა.

ისტორიაში პირველად ფორმის დიზაინი კატალონიის დროშისგან შედგებოდა. ეს ფორმა კლუბის ისტორიაში ერთ-ერთი ყველაზე გაყიდვადი იყო.

შავი ფორმა დაბრუნდა, მაგრამ ამჯერად ყვითელი ელემენტებით.

მაისურს მეორე სპონსორის, BEKO-ს ლოგო დაემატა, რომელიც სახელოზე განთავსდა. საყელოს წინა მხარეს კატალონიის დროშა გამოჩნდა.

1992 წლის ჩემპიონთა ლიგის მოგების პატივსაცემად მეორე ფორმა მთლიანად ნარინჯისფერი იყო.

მესამე ფორმის ფერად ელექტრიკ ყვითელი შეირჩა, რომელსაც ნაპირებზე მუქი ზოლი მიუყვებოდა. სამკუთხა საყელოზე 3 ღილი გამოჩნდა.

ისტორიაში პირველად “ბარსელონას” ფორმაზე, ვერტიკალურის ნაცვლად, ჰორიზონტალური ზოლები გამოჩნდა. შორტის ფერად წითელი დაბრუნდა.

ყვითელი მაისური და გეტრები, ლურჯი შორტი. მაისურის უკანა მხარეს კატალონიის დროშა იყო გამოსახული.

ლურჯი ფორმა, რომელიც სახელოებისა და შორტის ბოლოში შავში გადადიოდა.

ფორმის ინსპირაცია Meyba-ს მიერ 1990-იან წლებში შექმნილი დიზაინი იყო და ის იოჰან კრუიფის ლეგენდარულ “ოცნების გუნდს” მიეძღვნა.

მეწამული მაისური და შორტი ვარდისფერი დეტალებითა და გეტრებით.

მწვანე ფორმა არაერთგვაროვანი მუქი ჰორიზონტალური ზოლებით.

შეიცვალა სპონსორი – “ბარსელონას” ფორმაზე იაპონური Rakuten-ის რეკლამა განთავსდა. მაისურის ვერტიკალური ზოლები არაერთგვაროვანი გახდა.

კიდევ ერთი ფორმა ერთ ფერში, ამჯერად ცისფერში.

მეორე ფორმის იდენტური დიზაინის, მაგრამ მუქი წითელი.

წითელი ვერტიკალური ზოლების რაოდენობა გაიზარდა. შორტი უფრო მუქი გახდა. 4-წლიანი პაუზის შემდეგ გეტრებზე ვერტიკალური ზოლები დაბრუნდა.

მწვანე ფერის ფორმა ლურჯი და წითელი დეტალებით.

ღია ვარდისფერი ფორმა ქალაქ ბარსელონას ზედხედის ელემენტით.

თუ 2015 წელს “ბარსელონას” მაისურზე ისტორიაში პირველად ჰორიზონტალური ზოლები გამოჩნდა, ამჯერად Nike-მა მორიგი სიახლე შემოგვთავაზა და ქალაქ ბარსელონას ერთ-ერთი რაიონის (Eixample) პატივსაცემად ფორმის დიზაინი კუბიკებით გააწყო. კატალონიის დროშამ ფორმის წინა მხარეს გადმოინაცვლა და ის უფრო ხილვადი გახდა.

ისტორიაში პირველად “ბარსელონას” ქალთა გუნდის მაისურზე თავისი სპონსორის რეკლამა იყო დატანილი.

“ლა მასიას” 40 წლის იუბილეს აღსანიშნავად “ბარსელონამ” მე-2 ფორმის ფერად ყვითელი კიდევ ერთხელ შეარჩია. ეს დიზაინი 1979 წლის ფორმის დიზაინს წააგავს. ყვითელ ფორმას ლურჯ-წითელი დიაგონალური ხაზები და ზურგზე კატალონიის დროშა ამშვენებს.

გუნდის მე-3 ფორმა ქალაქ ბარსელონას ეძღვნება. ეს ფორმა 1996/97 წლების სეზონის ფორმას წააგავს. ამ ფორმას დანარჩენებისგან რეტროს სტილის V-ს ფორმის საყელო და Nike-ის განსხვავებული ლოგოს (წარწერიანი) განასხვავებს.

სეზონის მე-2 ყვითელი ფორმა ისტორიაში პირველი მე-4 ფორმაა. ფორმას 4 წითელი დიაგონალური ხაზი აქვს და ის კატალონიის დროშას განასახიერებს. ფორმის სლოგანია “ეს ჩვენშია გამჯდარი” და ეს სლოგანი კლუბის ფესვებისკენ მიგვანიშნებს.

“ბარსელონას” ფორმაზე ვერტიკალური ზოლები დაბრუნდა. ეს დიზაინი 1920-იანი წლების ფორმისას ჰგავს. სიახლეა ლურჯ და ბროწეულისფერ ზოლებს შორის წვრილი ყვითელი ზოლები, ასევე აღსანიშნავია ყვითელი ზოლი საყელოზე. შორტი ლურჯია, გვერდებზე ბროწეულისფერი ზოლებით, ხოლო წინდები მაისურის სტილშია, ოღონდ ვერტიკალური ზოლებით.

10 წლის განმავლობაში მესამედ მოხდა, რომ “ბარსელონას” სათადარიგო ფორმა შავი იყო. ამჯერად ეს მე-2 ფორმაა. სიახლეა ოქროსფერი ლოგო. ერთადერთი დეტალი, რომელიც არც შავია და არც ოქროსფერი, ზურგზე დატანილი პატარა დროშაა.

მესამე ფორმა თითქმის ერთ ფერშია – ვარდისფერი, შავი და მწვანე მცირე დეტალებით. მწვანე და შავ ფერებშია კლუბის ლოგოც. მე-2 ფორმის მსგავსად ამ ფერებიდან “ამოვარდნილი” მხოლოდ ზურგზე განთავსებული მცირე დროშაა.

სიმბოლური მაისური განსაკუთრებული თამაშისთვის. ფორმის დიზაინს დამატებული აქვს ელემენტები, რომლებიც მას კატალონიის დროშას ამსგავსებს.

კატალონიის მფარველის, წმინდა გიორგის ჯვარს ფორმაზე უფრო დიდი მნიშვნელობა დაეთმო და კლუბის ლოგოს გარდა ის უშუალოდ ფორმის დიზაინშიც გაითვალისწინეს. ჯვარი ტრადიციული თეთრისა და წითლის ნაცვლად “ბარსელონას” ლურჯ და ბროწეულისფერ ფერებშია. მაისურის ქვედა ნაწილში ტრადიციული ზოლები შენარჩუნებულია. სახელოები კი სხვადასხვა ფერისაა. აღსანიშნავია ასევე შორტის დიზაინი – ის ორ ფერადაა გაყოფილი.

“ბარსელონას” ფორმების ისტორიაში ახალი ფერი შემოდის – ლილისფერი. ეს ფორმა ქალთა უფლებებსა და გენდერულ თანასწორობას ეძღვნება. ტრადიციული ლურჯი და ბროწეულისფერი მხოლოდ ფორმის გვერდებზე არსებულ ზოლებში შეგვიძლია დავინახოთ.

სპეციალურად ევროტურნირებისთვის შექმნილი ფორმა ამ სეზონის სიახლეა. მისი დიზაინი ქალაქ ბარსელონას 5 რაიონის ელემენტებითაა გადაწყვეტილი.

Spotify-სთან “ბარსელონას” თანამშრომლობა ფორმით იწყება, რომლის ინსპირაციაც 1992 წლის ბარსელონას ზაფხულის ოლიმპიური თამაშებია. ლურჯ და წითელ ვერტიკალურ ზოლებს კიდევ 2 მუქი ლურჯი ზოლი აქვს დამატებული. ეს ფერი ფორმის სახელოებში, შორტებსა და გეტრებშიცაა გამოყენებული.

პირველი ფორმის მსგავსად მეორე ფორმის ინსპირაციაც 1992 წლის ოლიმპიური თამაშებია. ამ შემთხვევაში ფორმის ფერად ოლიმპიური ოქროს ფერია შერჩეული. მაისურის სახელოებზე ოლიმპიური რგოლებია გამოსახული. გარდა ამისა, ფორმაზე ქალაქ ბარსელონას კონტური შეინიშნება.

მესამე ფორმა ღია ნაცრისფერია, რომელზეც დიდი ზომის ლურჯ-წითელ ჯვარს ვხედავთ.

ახალი ფორმა სიმარტივითა და ელეგანტურობით გამოირჩევა და ყველაზე კლასიკურ დიზაინებს მოგვაგონებს. ცენტრალურ ნაწილში მხოლოდ სამი ზოლი გვხვდება: შუაში ერთი ლურჯი, ხოლო გვერდებზე ორი შინდისფერი ზოლია მოთავსებული. მაისურის საყელოზე, გვერდებსა და შორტებზე ასევე ლურჯი ფერი დომინირებს, სახელოები და წინდები კი შინდისფერია.

თეთრი მაისური ლურჯი და წითელი სახელოებით. ეს დიზაინი 1970-იანი წლების იოჰან კრუიფის ეპოქის თეთრი ფორმის შთაგონებით შეიქმნა.

ღია ფირუზისფერი მაისური, რომელზეც “ბარსელონას” დნმ-ის ნიშნად ტრადიციული ფერებია დატანილი.

კლუბის 125 წლის იუბილეს აღსანიშნავად ფორმა შუაზეა გაყოფილი, ლოგო კი ცენტრშია განთავსებული. ეს დიზაინი 1899 წლის პირველ ფორმას ზუსტად იმეორებს.

შავი ფორმა, რომელსაც გვერდებზე წითელი და ლურჯი დეტალები გასდევს. ლოგოც შავ ფერშია გადაწყვეტილი.

ღია მწვანე ფორმა, რომელზეც ტრადიციული ფერები და სპონსორის განსხვავებული ლოგოა დატანილი.

მაისურს ტრადიციული ლურჯი და ბროწეულისფერი ვერტიკალური ზოლები აქვს, რომელთაც ცენტრისკენ თანდათანობითი გადასვლა ახასიათებთ. ეს უნიკალური დიზაინი “ბარსელონას” ფორმას განსხვავებულ და თანამედროვე იერს ანიჭებს.

ეს ფორმა კობი ბრაიანტის (Mamba) ბრენდთან კოლაბორაციით შეიქმნა. მაისურის მთავარი ფერი ღია მოყვითალო-ოქროსფერია, რომელსაც შავი და იისფერი დეტალები ამშვენებს.

ეს მკვეთრი ნარინჯისფერი მაისური მუქი ლურჯი დეტალებით “Total 90” სტილზეა დაფუძნებული. დიზაინი 2009 წლის ისტორიული საკლუბო მსოფლიო ჩემპიონატის ფინალის ფორმას მოგვაგონებს.

რიკარდო სამორამ “ბარსელონაში” მხოლოდ 3 წელი ითამაშა, მაგრამ ის მე-20 საუკუნის პირველ ნახევარში გუნდის ერთ-ერთი მნიშვნელოვანი ფიგურა იყო. სურათების უმრავლესობაში მას მაღალი, ძირითადად თეთრი საყელოიანი მაისური აცვია.

უნგრელი მეკარე ფერენც პლატკო მაღალსაყელოიან ფორმას ატარებდა. არსებობს ცნობილი სურათი, სადაც მას გუნდის სხვა წევრებისგან სწორედ საყელო გამოარჩევს.

მისი წინამორბედების მსგავსად, არაგონელი მეკარე ხუან ხოსე ნოგუესიც, რომელიც “ბარსელონაში” 30-იან და ადრეულ 40-იან წლებში თამაშობდა, მაღალსაყელოიან ფორმას ატარებდა.

ანტონი რამალიეტსსაც გუნდელებისგან, ფერის გარდა, საყელოს დიზაინი გამოარჩევდა.

განსხვავებული დიზაინით თამაშობდა სალვადორ სადურნი, რომელმაც კლუბში 15 წელი დაყო.

ურუტის ყველაზე ცნობილი ფორმა სწორედ ისაა, რომელიც მას “ვალიადოლიდთან” ლეგენდარულ მატჩში ეცვა: Meyba-ს ლურჯი გეტრები, შორტი და მაისური, წითელი საყელოთი.

ანდონი სუბისარეტა ყველას მისთვის დამახასიათებელი მწვანე მაისურითა და შავი შორტით ახსოვს.

ვიქტორ ვალდესის დროს ფორმის დიზაინი ხშირად იცვლებოდა, მაგრამ ის ყველაზე მეტად პარიზის ჩემპიონთა ლიგის ფინალის ფორმით დაგვამახსოვრდა.

ტერ შტეგენიც, ძირითადად, მწვანე ფორმით თამაშობს, თუმცა ასევე გვახსოვს წითელი და შავი ფორმებიც.