ოფიციალურად: მუსა ვაგე პაოკ-ში გადავიდა

"ბარსელონას" მარჯვენა მცველი მუსა ვაგე მომდევნო სეზონში ბერძნულ პაოკ-ში ითამაშებს. ამ ინფორმაციას "ბლაუგრანას" ოფიციალური ვებგვერდი ავრცელებს. ოფიციალურ განცხადებაში გარიგების სხვა დეტალები არ კონკრეტდება, რაც სავარაუდოდ იმას ნიშნავს, რომ ბერძნულ გუნდს 21 წლის სენეგალელი მარჯვენა მცველის გამოსყიდვის არც უფლება ექნება და არც ვალდებულება.

მუსა ვაგე "ბარსელონამ" 2018 წელს, ბელგიური "ეიპენიდან" შეიძინა. პირველი სეზონის "ბარსა ბ-ში" გატარების შემდეგ, ახალგაზრდა ფეხბურთელმა ფრანგულ "ნიცაში" იჯარით ითამაშა. "ბარსას" პირველ გუნდში მას 6 თამაში აქვს ჩატარებული.