"ბარსელონა" "ვალენსიას" 19 წლის ფეხბურთელით დაინტერესდა

"ბარსელონას" სამიზნეში კიდევ ერთი ახალგაზრდა ფეხბურთელი მოხვდა. Bild-ის ცნობით, საუბარი "ვალენსიას" გარემარბზე, ფერან ტორესზეა.

მიუხედავად იმისა, რომ ტორესი ჯერ მხოლოდ 19 წლისაა, ის "ვალენსიას" პირველ გუნდში უკვე მე-3 სეზონს ატარებს. "ღამურების" მაისურით გამართულ 61 შეხვედრაში მან თავი 3 გოლით და 4 საგოლე გადაცემით გამოიჩინა.

ტორესს "ვალენსიასთან" კონტრაქტი 2021 წელს უმთავრდება, რაც იმას ნიშნავს, რომ ფეხბურთელის მსურველ გუნდებს მისი ხელში ჩაგდება გაუადვილდებათ. ასეთი  გუნდი კი სამია - "ბარსელონას" გარდა, 19 წლის ფეხბურთელის დამატების სურვილს "ლივერპული" და "დორტმუნდი" გამოთქვამენ. ამ უკანასკნელს ფერან ტორესი ჯეიდონ სანჩოს შემცვლელად მიაჩნია, რომელსაც ასევე "ბარსელონას" უკავშირებენ.