კიკე სეტიენი: სამუელ უმტიტი ბილბაოში მოგვიანებით ჩამოვა
კიკე სეტიენის თქმით, მიუხედავად იმისა, რომ ხვალ სამუელ უმტიტი სასამართლო პროცესს უნდა დაესწროს, ის ბილბაოში, ესპანეთის თასზე სათამაშოს მაინც გაემგზავრება.
ცოტა ხნის წინ ცნობილი გახდა, რომ უმტიტის სასამართლოზე მოწმის სახით დაკითხვა უწევს. საქმე გასული წლის სექტემბერში მისი ბინის გაქურდვას ეხება. ფრანგი მცველი 183 ათასი ევროს ღირებულების ზიანის ანაზღაურებას ითხოვს.
ბარსელონაში სასამართლო სხდომა ბილბაოში გასამართ მატჩს ემთხვევა, მაგრამ უმტიტი ორივეგან ყოფნას მაინც მოასწრებს.
"ეს პირადი საკითხია. მოულოდნელი რამ ყველას შეიძლება შეემთხვეს, მაგრამ გამოსავალი ყველა სიტუაციიდან არსებობს.
ამ ცხოვრებაში პოზიტიურად უნდა იყო განწყობილი და საგნებს ნათელი მხრიდან შეხედო. ზოგჯერ პრობლემა გვაქვს და ის უნდა გადავჭრათ. ეს უიღბლობაა, მაგრამ ამას დიდი მნიშვნელობა არ აქვს. უმტიტი ბილბაოში მოგვიანებით ჩამოვა. ეს პრობლემა არაა." - ციტირებს კიკე სეტიენის სიტყვებს Sport.
ამ სიახლეზე კომენტარები გათიშულია.
კომენტარები [ 5 ]