უმტიტიმ, შესაძლოა, "ბილბაოსთან" თამაში უცნაური მიზეზის გამო გამოტოვოს
სამუელ უმტიტიმ, შესაძლოა, ესპანეთის თასზე "ბილბაოსთან" გასამართი მატჩი გამოტოვოს. ამის მიზეზი არც ტრავმაა, არც დისკვალიფიკაცია, არც პირადი პრობლემა.
გასული წლის სექტემბერში, "ბარსელონასა" და "ვალენსიას" შორის გამართული მატჩის (5-2) მიმდინარეობისას, სამუელ უმტიტის სახლი გაქურდეს. საინტერესოა, რომ თავად ფეხბურთელი იმ მატჩში მონაწილეობას არ იღებდა. ის თამაშს თვალს ტრიბუნებიდან ადევნებდა.
TV3-ის მიერ გავრცელებული ინფორმაციის თანახმად, ქურდობის საქმეზე მიმდინარე სასამართლოზე დაზარალებულის დაკითხვის დრო მოვიდა. როგორც ჩანს, სასამართლო სხდომა "ბილბაოსთან" 6 თებერვალს გასამართ მატჩს ემთხვევა, რადგან კატალონიური წყაროს ცნობით, სწორედ ამ მიზეზით, უმტიტიმ, შესაძლოა, ბასკეთში გასამართი დაპირისპირება გამოტოვოს.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 13 ]